Almatynyń bas sanitar dárigeri Jandarbek Bekshin onlain brifing barysynda lokdaýn týraly suraqqa jaýap berdi, dep habarlaidy "Ult aqparat".
Onyń aitýynsha, 2020 jyldyń naýryzymen salystyrǵanda 2021 jyly aýrý juqtyrǵandar sany 1,8 esege artty.
"Jyl basynan 26 sáýirge deiin qalada koronavirýs juqtyrýdyń 33 230 faktisi tirkeldi. Ótken jyly barlyǵy 18,5 myń bolatyn. Iaǵni bul kórsetkish biyl 1,8 esege artyp otyr. Sońǵy táýlik ishinde 689 adamnan koronavirýs tabyldy. Iaǵni, Almatydaǵy jaǵdai pessimistik stsenarii boiynsha órship tur", - dedi Bekshin brifingte.
Bas sanitar dáriger koronavirýs juqtyrý boiynsha buǵan deiin barlyǵy 14,5 myń jaǵdai tirkeledi degen boljam bolǵanyn aitty. Endi sáýirdiń úsh aptasynda 13 697 adamnyń aǵzasynan koronavirýs anyqtalǵan.
"Iaǵni biz daiyndaǵan boljam dóp kelip tur", - dedi ol.
Jandarbek Bekshinniń aitýynsha, mamyr aiynda demalys kúnderge bailanysty aýrý juqtyrýshy adamdar sany artýy múmkin, al mamyrdyń ortasynan bastap qana aýrý kórsetkishiniń tómendeýi yqtimal.
"Jaǵdaidy boljaý boiynsha top qurdyq. Ol oń sipattaǵy boljamdar usynyp otyr. Almatyda lokdaýn engizetindei jaǵdai ýshyǵa qoimaidy", - dedi Jandarbek Bekshin.
Sonymen qatar, ol Úkimetten vaktsina kóp bólingenin atap ótti. Almatyda halyqty belsendi vaktsinatsiialaý júrip jatyr.
