الماتىدا لوكداۋن ەنگٸزٸلە مە - بەكشيننٸڭ جاۋابى

الماتىنىڭ باس سانيتار دەرٸگەرٸ جانداربەك بەكشين ونلاين بريفينگ بارىسىندا لوكداۋن تۋرالى سۇراققا جاۋاپ بەردٸ, دەپ حابارلايدى "ۇلت اقپارات".

ونىڭ ايتۋىنشا, 2020 جىلدىڭ ناۋرىزىمەن سالىستىرعاندا 2021 جىلى اۋرۋ جۇقتىرعاندار سانى 1,8 ەسەگە ارتتى.

"جىل باسىنان 26 سەۋٸرگە دەيٸن قالادا كوروناۆيرۋس جۇقتىرۋدىڭ 33 230 فاكتٸسٸ تٸركەلدٸ. ٶتكەن جىلى بارلىعى 18,5 مىڭ بولاتىن. ياعني بۇل كٶرسەتكٸش بيىل 1,8 ەسەگە ارتىپ وتىر. سوڭعى تەۋلٸك ٸشٸندە 689 ادامنان كوروناۆيرۋس تابىلدى. ياعني, الماتىداعى جاعداي پەسسيميستٸك ستسەناريي بويىنشا ٶرشٸپ تۇر", - دەدٸ بەكشين بريفينگتە.

باس سانيتار دەرٸگەر كوروناۆيرۋس جۇقتىرۋ بويىنشا بۇعان دەيٸن بارلىعى 14,5 مىڭ جاعداي تٸركەلەدٸ دەگەن بولجام بولعانىن ايتتى. ەندٸ سەۋٸردٸڭ ٷش اپتاسىندا 13 697 ادامنىڭ اعزاسىنان كوروناۆيرۋس انىقتالعان.

"ياعني بٸز دايىنداعان بولجام دٶپ كەلٸپ تۇر", - دەدٸ ول.

جانداربەك بەكشيننٸڭ ايتۋىنشا, مامىر ايىندا دەمالىس كٷندەرگە بايلانىستى اۋرۋ جۇقتىرۋشى ادامدار سانى ارتۋى مٷمكٸن, ال مامىردىڭ ورتاسىنان باستاپ قانا اۋرۋ كٶرسەتكٸشٸنٸڭ تٶمەندەۋٸ ىقتيمال. 

"جاعدايدى بولجاۋ بويىنشا توپ قۇردىق. ول وڭ سيپاتتاعى بولجامدار ۇسىنىپ وتىر. الماتىدا لوكداۋن ەنگٸزەتٸندەي جاعداي ۋشىعا قويمايدى", - دەدٸ جانداربەك بەكشين. 

سونىمەن قاتار, ول ٷكٸمەتتەن ۆاكتسينا كٶپ بٶلٸنگەنٸن اتاپ ٶتتٸ. الماتىدا حالىقتى بەلسەندٸ ۆاكتسيناتسييالاۋ جٷرٸپ جاتىر.