Almatyda Lexus avtomobili 7-8 jastaǵy balalardy qaǵyp ketti, dep habarlaidy "Ult aqparat" QazAqparat agenttigine silteme jasap.
Shaliapin men Ótegen batyr kósheleriniń qiylysynda bolǵan jol apatynyń videosy Instagram jelisindegi kris_p_almaty pabliginde jariialandy.
Beinekadrda kórsetilgendei, Lexus kóligi kósheni kesip ótpek bolǵan eki balany qaǵyp toqtaǵan.
Kýágerlerdiń aitýynsha, balalardyń biri aryqqa qarai qulap ketse, ekinshi kóliktiń aldyna qarai 5 metr qashyqtyqqa ushyp tústi. Balalardy túrli jaraqattarmen jedel járdem aýrýhanaǵa alyp ketti.
«Bala qurbymnyń uly. Jaǵdaiy aýyr. Jansaqtaý bóliminde jatyr. Ekinshi bala esin biledi», - dedi Nina Alimovna.
"1994 jylǵy júrgizýshi Shaliapin men Ótegen batyr kósheleriniń qilysynda janarmai quiý beketine qarama-qarsy jerde 2011 jáne 2009 jylǵy balalardy qaǵyp ketken. Balalar aiaqtaryn jaraqattap aldy. Birden aýrýhanaǵa jetkizildi. Alǵan jaraqattary ortasha nemese aýyr bolsa, sotqa deiingi tergeý bastalady. Qazirgi ýaqytta is materialdary ákimshilik óndiriske joldandy", - dep habarlady Almaty qalalyq IID baspasóz qyzmetiniń jetekshisi.
