Almatyda lańkestikke qarsy oqý-jattyǵý ótip jatyr, - dep habarlaidy qalalyq terrorizmmen kúres jónindegi jedel shtabtyń baspasóz qyzmeti.
Shtabtyń málimetinshe, 6 sáýir kúni tańǵy saǵat 6:00-de Túrksib aýdanynda josparly jattyǵýlar bastaldy. Tártip saqshylary Spasskaia kóshesiniń boiynda ornalasqan №67 úide jattyǵý jasap, sheberlikterin shyńdap jatyr. Lańkestikke qarsy oqý-jattyǵýlar saǵat 12:00-ge deiin ótedi.
"Oqý-jattyǵýdyń maqsaty - adam kóp shoǵyrlanǵan jerlerde lańkestik qaýip tóngen jaǵdaida ózara árekettesý daǵdylaryn damytý. Oqytý tapsyrmalary lańkestiktiń jolyn kesý tetigin jetildirýge baǵyttalǵan.
Oqý-jattyǵýlardy ótkizý kezeńinde shekteýler qoiylatynyn habarlaimyz. Osyǵan bailanysty azamattardy bolyp jatqan oqiǵalarǵa túsinistikpen qaraýǵa, qaýipsizdik sharalaryn saqtaýǵa jáne oqý-jattyǵýlardy ótkizýge tartylǵan memlekettik qyzmetkerlerdiń zańdy talaptaryn oryndaýǵa shaqyramyz", - dep habarlady Terrorizmge qarsy kúres qaýymdastyǵy.
