Almaty qalasy Naýryzbai aýdanynyń ekologiialyq politsiiasynyń qyzmetkerleri Almaty ekologiia departamentiniń ókilderimen birlesip júrgizgen reid barysynda mol kólemde sekseýil aǵashyn satatyn oryndy anyqtady, dep habarlaidy "Ult aqparat".
«Qazaqstan Respýblikasynyń memlekettik orman qory ýchaskelerinde sekseýil tektes aǵashtardyń barlyq túrlerin kesýge tyiym salynǵan. Alaida, tájiribe kórsetkendei, adamdar ekologiialyq zańnamany buza otyryp, tabiǵatqa orasan zalal keltirýde. Satýshyǵa qatysty sekseýildi saýdalaǵany úshin QR ÁQbK-niń 196-baby (taýarlardy nemese basqa zattardy zańsyz satý) boiynsha ákimshilik hattama toltyryldy. Budan basqa, odan ári quqyq buzýshylyqtyń aldyn alý maqsatynda onymen áńgime júrgizildi», – dedi Naýryzbai aýdandyq politsiia basqarmasynyń bastyǵy Didar Ahanov.
Qazaqstanda 2004 jyldan bastap sekseýil tektes aǵashtardyń barlyq túrlerin kesýge tyiym salyndy. Sondai-aq, ol 2023 jyldyń 31 jeltoqsanyna deiin uzartyldy.
