الماتى قالاسى ناۋرىزباي اۋدانىنىڭ ەكولوگييالىق پوليتسيياسىنىڭ قىزمەتكەرلەرٸ الماتى ەكولوگييا دەپارتامەنتٸنٸڭ ٶكٸلدەرٸمەن بٸرلەسٸپ جٷرگٸزگەن رەيد بارىسىندا مول كٶلەمدە سەكسەۋٸل اعاشىن ساتاتىن ورىندى انىقتادى, دەپ حابارلايدى "ۇلت اقپارات".
«قازاقستان رەسپۋبليكاسىنىڭ مەملەكەتتٸك ورمان قورى ۋچاسكەلەرٸندە سەكسەۋٸل تەكتەس اعاشتاردىڭ بارلىق تٷرلەرٸن كەسۋگە تىيىم سالىنعان. الايدا, تەجٸريبە كٶرسەتكەندەي, ادامدار ەكولوگييالىق زاڭنامانى بۇزا وتىرىپ, تابيعاتقا وراسان زالال كەلتٸرۋدە. ساتۋشىعا قاتىستى سەكسەۋٸلدٸ ساۋدالاعانى ٷشٸن قر ەقبك-نٸڭ 196-بابى (تاۋارلاردى نەمەسە باسقا زاتتاردى زاڭسىز ساتۋ) بويىنشا ەكٸمشٸلٸك حاتتاما تولتىرىلدى. بۇدان باسقا, ودان ەرٸ قۇقىق بۇزۋشىلىقتىڭ الدىن الۋ ماقساتىندا ونىمەن ەڭگٸمە جٷرگٸزٸلدٸ», – دەدٸ ناۋرىزباي اۋداندىق پوليتسييا باسقارماسىنىڭ باستىعى ديدار احانوۆ.
قازاقستاندا 2004 جىلدان باستاپ سەكسەۋٸل تەكتەس اعاشتاردىڭ بارلىق تٷرلەرٸن كەسۋگە تىيىم سالىندى. سونداي-اق, ول 2023 جىلدىڭ 31 جەلتوقسانىنا دەيٸن ۇزارتىلدى.
