Foto: Polisia.kz
Almatyda politsiia qyzmetkerleri arnaiy operatsiia júrgizip, qylmystyq toptan kokain tárkiledi, - dep habarlaidy "Ult aqparat" Polisia.kz saityna silteme jasap.
"Almaty qalalyq PD uiymdasqan qylmysqa qarsy kúres basqarmasy qalalyq prokýratýranyń úilestirýimen uzaq ýaqyt boiy elitalyq kokain esirtkisin satýmen ainalysyp kelgen qylmystyq toptyń zańsyz áreketiniń jolyn kesti.
Keshendi jedel is-sharalar barysynda kúdiktilerdiń qylmystyq áreketteri anyqtaldy. Olardyń aýyr jáne asa aýyr qylmystarǵa qatystylyǵy týraly aiǵaqtar tabyldy.
Top múshelerin ustaý kezinde kokain tárkilendi. Politsiiaǵa barlyǵy 5 adam jetkizilip, onyń ekeýi qylmystyq toptyń negizgi uiymdastyrýshysy jáne belsendi qatysýshysy ekeni belgili boldy. Olar ýaqytsha ustaý izoliatoryna qamaldy" - delingen habarlamada.
Qazirgi ýaqytta atalǵan faktige qatysty QR Qylmystyq kodeksiniń 297-baby 3-bóligi (Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) boiynsha sotqa deiingi tergeý amaldary júrgizilip jatyr.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
