Almatyda qylmystyq ortada «Serik-golova» laqap atymen tanymal Serik Jamanaev ustaldy, dep habarlaidy QR Ulttyq qaýipsizdik komiteti.
«2020 jylǵy 1 aqpanda QR Ulttyq qaýipsizdik komiteti QR Ishki ister ministrligimen birlesip, Serik Jamanaev (qylmystyq laqap aty – «Serik-golova») jetekshilik etken yqtimal uiymdasqan qylmystyq top áreketiniń jolyn kesti. S. Jamanaevpen birge aýyr jáne asa aýyr, onyń ishinde zorlyq-zombylyq qoldanýmen qylmys jasaýǵa qatysy bar degen kúdikpen qylmystyq ortanyń 6 ókili ustaldy. Olar Almaty qalalyq Politsiia departamentiniń ýaqytsha ustaý izoliatoryna qamaldy», - delingen taratylǵan aqparatta.
Olardyń turǵylyqty jerleri boiynsha júrgizilgen tintý is-sharalary barysynda avtomatty jáne jartylai avtomatty qarý, iri aqshalai qarajat somasy, sondai-aq ustalǵandardyń bógde múlikti iemdenýin rastaityn zattar alynǵan.
«QR UQK men IIM vedomstvoaralyq jedel-tergeý toby sotqa deiingi tergeý júrgizýde», - dedi UQK-den.
