Almatyda kúzgi aǵash otyrǵyzý jumystary bastaldy, dep habarlaidy QazAqparat.
Qalanyń «Almatybasjospar» ǴZI» JShS ázirlegen Almaty qalasyn 2030-jylǵa deiin kógaldandyrý strategiiasyna sáikes barlyq segiz aýdan qamtyldy.
Jalpy, 2021 jyly 350 myńǵa jýyq aǵash egý josparlanǵan, onyń 64 594-i kóktemde otyrǵyzyldy. Qazir qalǵan 285 myń kóshetti otyrǵyzý qolǵa alyndy.
Almatynyń jańa aýdandaryna erekshe nazar aýdarylady. Osylaisha aǵashtardyń basym bóligi Alataý, Naýryzbai aýdandarynda otyrǵyzylatyn bolady.
Búgingi kúni Túrksib aýdanynda 280 túp aǵash otyrǵyzyldy. Shyǵys ainalma men qaraǵai toǵaiynda jumystar bastalyp, 8 myńnan asa aǵash otyrǵyzýǵa arnalǵan shuńqyr qazyldy.
Sonymen qatar, qalada kez kelgen almatylyqqa aǵash otyrǵyzýǵa múmkindik beretin «Jasyl qala» naýqany jariialandy.
