Foto: videodan kadr
Elitalyq turǵyn úi kesheninde kúzetshini aiaýsyz soqqyǵa jyǵyp, kóligimen basyp óltirgen er adamǵa sot úkimi shyqty, dep habarlaidy Ult.kz.
Almaty qalasynyń qylmystyq ister jónindegi mamandandyrylǵan aýdanaralyq soty Qazaqstan Respýblikasy Qylmystyq kodeksiniń 99-babynyń 2-bóligi, 5-tarmaǵy (kisi óltirý) jáne 147-babynyń 5-bóligi (jeke ómirge qol suǵylmaýshylyqty buzý) boiynsha aiyp taǵylǵan sottalýshyny kináli dep tapty.
2023 jyldyń qyrkúieginde sottalýshy óziniń qurbysy qarym-qatynasty jalǵastyrǵysy kelmeitinin bilgennen keiin, kek alý maqsatynda onyń jeke fotosýretteri men videolaryn áleýmettik jeli arqyly tanystaryna jibergen.
2024 jyldyń naýryzynda sottalýshy mas kúiinde jábirlenýshimen janjaldasyp, tóbeleske ulasqan. Keiin ol kóligimen turaq aýmaǵynda jábirlenýshini qaǵyp, onyń ústinen ótken. Jábirlenýshi alǵan jaraqattarynan aýrýhanada kóz jumdy.
Sottalýshy jeke aqparatty taratý aiybyn moiyndamady, al kisi óltirý boiynsha kinásin ishinara moiyndap, jábirlenýshiniń ólimin qasaqana jasamaǵanyn aitty.
Sot isti qaraý barysynda jazany jeńildetetin mán-jailardy tappady. Is-árekettiń mas kúiinde jasalýy aýyrlatatyn jaǵdai retinde tanyldy.
- - QK-niń 99-babynyń 2-bóligi boiynsha: 19 jyl bas bostandyǵynan aiyrý.
- - QK-niń 147-babynyń 5-bóligi boiynsha: 4 jyl bas bostandyǵynan aiyrý.
Jazalardy ishinara qosý arqyly túpkilikti 22 jyl bas bostandyǵynan aiyrý úkimi shyǵaryldy.
Sot sonymen qatar moraldyq ziian úshin 20 million teńge jáne jeke ómirge qol suǵylmaýshylyqty buzǵany úshin 4 million teńge óndirip berýdi mindettedi.
Úkim zańdy kúshine engen joq.
