فوتو: ۆيدەودان كادر
ەليتالىق تۇرعىن ٷي كەشەنٸندە كٷزەتشٸنٸ اياۋسىز سوققىعا جىعىپ, كٶلٸگٸمەن باسىپ ٶلتٸرگەن ەر ادامعا سوت ٷكٸمٸ شىقتى, دەپ حابارلايدى Ult.kz.
الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى قازاقستان رەسپۋبليكاسى قىلمىستىق كودەكسٸنٸڭ 99-بابىنىڭ 2-بٶلٸگٸ, 5-تارماعى (كٸسٸ ٶلتٸرۋ) جەنە 147-بابىنىڭ 5-بٶلٸگٸ (جەكە ٶمٸرگە قول سۇعىلماۋشىلىقتى بۇزۋ) بويىنشا ايىپ تاعىلعان سوتتالۋشىنى كٸنەلٸ دەپ تاپتى.
2023 جىلدىڭ قىركٷيەگٸندە سوتتالۋشى ٶزٸنٸڭ قۇربىسى قارىم-قاتىناستى جالعاستىرعىسى كەلمەيتٸنٸن بٸلگەننەن كەيٸن, كەك الۋ ماقساتىندا ونىڭ جەكە فوتوسۋرەتتەرٸ مەن ۆيدەولارىن ەلەۋمەتتٸك جەلٸ ارقىلى تانىستارىنا جٸبەرگەن.
2024 جىلدىڭ ناۋرىزىندا سوتتالۋشى ماس كٷيٸندە جەبٸرلەنۋشٸمەن جانجالداسىپ, تٶبەلەسكە ۇلاسقان. كەيٸن ول كٶلٸگٸمەن تۇراق اۋماعىندا جەبٸرلەنۋشٸنٸ قاعىپ, ونىڭ ٷستٸنەن ٶتكەن. جەبٸرلەنۋشٸ العان جاراقاتتارىنان اۋرۋحانادا كٶز جۇمدى.
سوتتالۋشى جەكە اقپاراتتى تاراتۋ ايىبىن مويىندامادى, ال كٸسٸ ٶلتٸرۋ بويىنشا كٸنەسٸن ٸشٸنارا مويىنداپ, جەبٸرلەنۋشٸنٸڭ ٶلٸمٸن قاساقانا جاساماعانىن ايتتى.
سوت ٸستٸ قاراۋ بارىسىندا جازانى جەڭٸلدەتەتٸن مەن-جايلاردى تاپپادى. ٸس-ەرەكەتتٸڭ ماس كٷيٸندە جاسالۋى اۋىرلاتاتىن جاعداي رەتٸندە تانىلدى.
- - قك-نٸڭ 99-بابىنىڭ 2-بٶلٸگٸ بويىنشا: 19 جىل باس بوستاندىعىنان ايىرۋ.
- - قك-نٸڭ 147-بابىنىڭ 5-بٶلٸگٸ بويىنشا: 4 جىل باس بوستاندىعىنان ايىرۋ.
جازالاردى ٸشٸنارا قوسۋ ارقىلى تٷپكٸلٸكتٸ 22 جىل باس بوستاندىعىنان ايىرۋ ٷكٸمٸ شىعارىلدى.
سوت سونىمەن قاتار مورالدىق زييان ٷشٸن 20 ميلليون تەڭگە جەنە جەكە ٶمٸرگە قول سۇعىلماۋشىلىقتى بۇزعانى ٷشٸن 4 ميلليون تەڭگە ٶندٸرٸپ بەرۋدٸ مٸندەتتەدٸ.
ٷكٸم زاڭدى كٷشٸنە ەنگەن جوق.
