Búgin Almaty qalasyndaǵy «Dostyq» sport kesheninde kúres túrlerinen Qazaqstan birinshiligi jalaýyn kóterdi, dep habarlaidy "Ult aqparat".
Balýandar bir apta boiy erkin, grek-rim jáne áielder kúresinen baq synaidy.
Erkin kúres sheberleri 20-22 qarasha kúnderi boz kilemge shyǵady. 20 qarashada 57, 61, 86 salmaqtaǵy balýandar chempiondardy anyqtaidy. Al 21 qarashada 65, 70, 97 keli salmaqtaǵy balýandar beldesse, 22 qarashada 74, 79, 92, 125 keli salmaqtaǵylar sheberlik baiqasady.
Áielder kúresinen 23 qarashada balýandar aldymen 50, 53, 55, 57, 59, 62, 65, 68, 72, 76 keli salmaqta irikteý kezeńinde baq synasa, odan keiin jartylai finalda jáne finalda kezdesedi.
Grek-rim kúresiniń sheberleri 24-26 qarasha kúnderi bozkilemde básekege túsedi. Atap aitqanda, olar 55, 60, 63, 67, 72, 77, 82, 87, 97, 130 keli salmaqta júldege talasady.
Qazsport telearnasy kúres túrlerinen Qazaqstan chempionatynyń sońǵy eki jarys kúnin 25-26 qarasha kúnderi kórsetýdi josparlap otyr.
