Megapoliste biyl qurbandyq shalýǵa 13 oryn belgilendi. Bul týraly brifing barysynda Almaty qalasynyń bas imamy Ospan Tólebi aitty, dep habarlaidy QazAqparat.
Almatyda qurbandyq shalý rásimi oflain jáne onlain rejiminde ótedi.
«Almaty qalasynyń ákimdigi tarapynan oflain formatta qurbandyq shalýǵa jáne mal satýǵa ruqsat etilgen qala aýmaǵynda arnaiy 13 oryn bekitildi», - deidi Almaty qalasynyń bas imamy Ospan Tólebi.
Atap aitsaq, Alataý aýdany boiynsha – Myrzahmet meshiti, Ásker ata meshiti, Alǵabas meshiti, Ál-ázim meshiti;
- Bostandyq aýdany boiynsha – Baqytkeldi meshiti;
- Medeý aýdany boiynsha – Amanqul ata meshiti, Fatima meshiti, Raiymbek batyr meshiti;
- Naýryzbai batyr aýdany boiynsha – Qalqaman meshiti, Qaraǵaily meshiti jáne Taýsamaly bazary;
- Túrkisib aýdany boiynsha – Qairat meshiti;
- Jetisý aýdany boiynsha – Voinah meshiti.
Qurban Ait - musylmandardyń eń mańyzdy merekeleriniń biri, ol Oraza aiaqtalǵannan keiin 70-kúni toilanady. Osy jyly Qurban ait shildeniń 9-y kúni bastalyp, úsh kúnge jalǵasady.
