Almatyda aýyzsý qubyryn tartyp jatqan kezde jumysshy mert boldy.
Qaiǵyly jaǵdai 20 sáýir kúni Almaty qalasynyń Naýryzbai aýdany, «Aqjar» shaǵynaýdanynda boldy.
Er adamnyń ólimi týraly áriptesi Facebook-tegi paraqshasynda habarlady.
«20 sáýirde Aqjarda saiajai turǵyndaryna sýarý qubyryn salý kezinde bizdiń áriptesimiz joǵary voltty symdy ilip ketip, sol jerde kóz jumdy», - dep jazdy avtor.
Qalalyq Politsiia departamentinen málim etkendei, adam ólimi faktisi Naýryzbai aýdandyq politsiia basqarmasynyń sotqa deiingi tergeýdiń biryńǵai tizilimine tirkeldi.
«Sot-meditsinalyq saraptama taǵaiyndaldy. Oqiǵanyń basqa da mán-jailary anyqtalýda», - dep atap ótti politsiiadan.
Naýryzbai aýdanynyń ákimdigi osy jaǵdaiǵa bailanysty sál keiinirek túsinikteme beretinin aitty.
