Almaty qalasynyń ákimi Baqytjan Saǵyntaevtyń tapsyrmasy boiynsha shahar basshysynyń orynbasary Erjan Babaqumarov beinekezdesý rejiminde zerthana basshylarymen jumys keńesin ótkizdi, dep habarlaidy QazAqparat.
Almatyda COVID-19 test alatyn alty iri zerthana bar. Olar Ulttyq saraptama ortalyǵy, sanitarlyq-epidemiologiialyq saraptama jáne monitoring ǵylymi-praktikalyq ortalyǵy, M. Aiqymbaev atyndaǵy qazaq asa qaýipti infektsiialar ulttyq ǵylymi ortalyǵy, Ortalyq referens-zerthana, sondai-aq Qazaqstan-Korei klinikasy men «Olimp» KDZ.
Keńes barysynda, qala ákiminiń orynbasary zertteý materialyn alýmen ainalysatyn meditsinalyq brigadalardyń eńbek qaýipsizdigin qamtamasyz etý kerektigin erekshe atap ótti. Sonymen birge, Taýarlar men qyzmetterdiń sapasy men qaýipsizdigin baqylaý departamenti jáne zerthanalardyń aqparattyq júieler integratsiiasy arasynda jumysty ózara úilestirýdi kúsheitý mindetterin belgiledi.
Budan ózge megapolis turǵyndary úshin testileýdiń qoljetimdiligin, kórsetiletin qyzmetterdiń sapasy men jedeldigin, onyń ishinde nátijelerdi usyný tártibi men merzimderin odan ári arttyrý máseleleri talqylandy.
«Bizdiń mindetimiz – testileý arqyly infektsiianyń jasyryn oshaqtaryn jedel jáne der kezinde anyqtaý, olardy ýaqytyly oqshaýlap, qaladaǵy epidemiologiialyq ahýaldyń jaǵdaiyn odan ári baqylaýdy qamtamasyz etý», – dedi Erjan Babaqumarov.
Sondai-aq, ol memlekettik jáne memlekettik emes zerthanalarǵa qalamen birlesip jasap jatqan jumystary úshin alǵysyn bildirdi.
Búginde Almatyda shamamen 45 myń test ótkizildi. Solardyń ishinde 29 myńy PTR test jáne 16 myńy ekpress-test.
