الماتى قالاسىنىڭ ەكٸمٸ باقىتجان ساعىنتاەۆتىڭ تاپسىرماسى بويىنشا شاھار باسشىسىنىڭ ورىنباسارى ەرجان باباقۇماروۆ بەينەكەزدەسۋ رەجيمٸندە زەرتحانا باسشىلارىمەن جۇمىس كەڭەسٸن ٶتكٸزدٸ, دەپ حابارلايدى قازاقپارات.
الماتىدا COVID-19 تەست الاتىن التى ٸرٸ زەرتحانا بار. ولار ۇلتتىق ساراپتاما ورتالىعى, سانيتارلىق-ەپيدەميولوگييالىق ساراپتاما جەنە مونيتورينگ عىلىمي-پراكتيكالىق ورتالىعى, م. ايقىمباەۆ اتىنداعى قازاق اسا قاۋٸپتٸ ينفەكتسييالار ۇلتتىق عىلىمي ورتالىعى, ورتالىق رەفەرەنس-زەرتحانا, سونداي-اق قازاقستان-كورەي كلينيكاسى مەن «وليمپ» كدز.
كەڭەس بارىسىندا, قالا ەكٸمٸنٸڭ ورىنباسارى زەرتتەۋ ماتەريالىن الۋمەن اينالىساتىن مەديتسينالىق بريگادالاردىڭ ەڭبەك قاۋٸپسٸزدٸگٸن قامتاماسىز ەتۋ كەرەكتٸگٸن ەرەكشە اتاپ ٶتتٸ. سونىمەن بٸرگە, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ جەنە زەرتحانالاردىڭ اقپاراتتىق جٷيەلەر ينتەگراتسيياسى اراسىندا جۇمىستى ٶزارا ٷيلەستٸرۋدٸ كٷشەيتۋ مٸندەتتەرٸن بەلگٸلەدٸ.
بۇدان ٶزگە مەگاپوليس تۇرعىندارى ٷشٸن تەستٸلەۋدٸڭ قولجەتٸمدٸلٸگٸن, كٶرسەتٸلەتٸن قىزمەتتەردٸڭ ساپاسى مەن جەدەلدٸگٸن, ونىڭ ٸشٸندە نەتيجەلەردٸ ۇسىنۋ تەرتٸبٸ مەن مەرزٸمدەرٸن ودان ەرٸ ارتتىرۋ مەسەلەلەرٸ تالقىلاندى.
«بٸزدٸڭ مٸندەتٸمٸز – تەستٸلەۋ ارقىلى ينفەكتسييانىڭ جاسىرىن وشاقتارىن جەدەل جەنە دەر كەزٸندە انىقتاۋ, ولاردى ۋاقىتىلى وقشاۋلاپ, قالاداعى ەپيدەميولوگييالىق احۋالدىڭ جاعدايىن ودان ەرٸ باقىلاۋدى قامتاماسىز ەتۋ», – دەدٸ ەرجان باباقۇماروۆ.
سونداي-اق, ول مەملەكەتتٸك جەنە مەملەكەتتٸك ەمەس زەرتحانالارعا قالامەن بٸرلەسٸپ جاساپ جاتقان جۇمىستارى ٷشٸن العىسىن بٸلدٸردٸ.
بٷگٸندە الماتىدا شامامەن 45 مىڭ تەست ٶتكٸزٸلدٸ. سولاردىڭ ٸشٸندە 29 مىڭى پتر تەست جەنە 16 مىڭى ەكپرەسس-تەست.
