Almatyda koronavirýsqa qarsy vaktsina egetin 40 kabinet ashyldy, dep habarlaidy Densaýlyq saqtaý basqarmasy.
Memlekettik emhanalarda 40 egý kabineti daiyndaldy. Jekemenshik klinikalar vaktsinany Mindetti áleýmettik meditsinalyq saqtandyrý sheńberinde salady.
«Koronavirýsqa qarsy vaktsinany egý kabinetteri Mindetti áleýmettik meditsinalyq saqtandyrý sheńberinde jumys jasaityn jeke klinikalarda da daiyndalady. Almatyǵa jetkizilgen vaktsinalar sany - 2050 doza, onyń 100 dozasy «Ortalyq klinikalyq aýrýhanasy» AQ-na berilgendikten, immýndaýdyń birinshi kezeńinde memlekettik emhanalar vaktsiatsiiay ózderi júrgizedi. Qazir 20-ǵa jýyq emhana qatysýda», - dep atap ótti basqarmadaǵylar.
Eske salaiyq, birinshi kezeńinde vaktsina infektsiialyq aýrýlardyń jedel meditsinalyq kómek, jansaqtaý, qabyldaý bólimshesiniń qyzmetkerleri men sanitarlyq epidemiologiia qyzmetkerlerine salynady. Ekinshi kezeńde jalpy bilim beretin mektep, joǵary jáne arnaýly orta bilim beretin oqý oryndarynyń muǵalimderi, meditsinalyq qyzmetkerlerge egiledi. Úshinshi kezeń 1 sáýirden bastalady. Ol kezde mektep, internat muǵalimderi, mektepke deiingi mekeme qyzmetkerleri, stýdentter men sozylmaly aýrýy bar naýqastar qamtylady.
Aita keteiik, Almatyǵa Reseide daiyndalǵan «Spýtnik V» vaktsinasynyń 2050 dozasy jetkizilgen bolatyn.
