Almatyda KVI juqtyrǵandardyń 98%-y (136 863 adam) vaktsinalanbaǵandar. Bul týraly Almaty qalasynyń bas sanitarlyq dárigeri Jandarbek Bekshin brifing barysynda aitty, dep habarlaidy QazAqparat.
«Ekpeler dertti edáýir tómendetýge kómektesti. KVI-men juqtyrýdyń tómendeýi - vaktsinalanǵan halyq 45%-ǵa jetkende, «qyzyldan» «sary» aimaqqa ótken soń bastaldy», - dedi J. Bekshin.
Ujymdyq immýnitet 50%-ǵa jetken kezde aýrý deńgeii tómendei bastady. Búginde Almatyda KVI-ge qarsy ujymdyq immýnitet 57,3%-dy (vaktsinalanǵandardyń 49,2%-y jáne aýyryp jazylǵan adamdardyń 8,1%-y) quraidy.
Sanitarlyq-epidemiologiialyq vedomstvo basshysy epidemiologiialyq ahýaldyń turaqtanýy ujymdyq immýnitettiń qalyptasýyna bailanysty ekenin atap ótti.
Sol sebepti qalanyń bas sanitarlyq dárigeri kóbinese infektsiianyń qozdyrǵyshy bolyp tabylatyn balalar men jasóspirimderdi koronavirýstan qorǵaý mańyzdy dep sanaidy. Sondai-aq 60 jastan asqan adamdarǵa qaýip tóndiretinin eske saldy.
Almatynyń bas sanitarlyq dárigeri qala turǵyndaryn ekpe saldyrýǵa, al alǵashqy vaktsinalanýdan ótkenderge 6 nemese 9 aidan keiin revaktsinatsiia jasaýǵa shaqyrdy.
