الماتىدا كۆي جۇقتىرعانداردىڭ 98%-ى (136 863 ادام) ۆاكتسينالانباعاندار. بۇل تۋرالى الماتى قالاسىنىڭ باس سانيتارلىق دەرٸگەرٸ جانداربەك بەكشين بريفينگ بارىسىندا ايتتى, دەپ حابارلايدى قازاقپارات.
«ەكپەلەر دەرتتٸ ەدەۋٸر تٶمەندەتۋگە كٶمەكتەستٸ. كۆي-مەن جۇقتىرۋدىڭ تٶمەندەۋٸ - ۆاكتسينالانعان حالىق 45%-عا جەتكەندە, «قىزىلدان» «سارى» ايماققا ٶتكەن سوڭ باستالدى», - دەدٸ ج. بەكشين.
ۇجىمدىق يممۋنيتەت 50%-عا جەتكەن كەزدە اۋرۋ دەڭگەيٸ تٶمەندەي باستادى. بٷگٸندە الماتىدا كۆي-گە قارسى ۇجىمدىق يممۋنيتەت 57,3%-دى (ۆاكتسينالانعانداردىڭ 49,2%-ى جەنە اۋىرىپ جازىلعان ادامداردىڭ 8,1%-ى) قۇرايدى.
سانيتارلىق-ەپيدەميولوگييالىق ۆەدومستۆو باسشىسى ەپيدەميولوگييالىق احۋالدىڭ تۇراقتانۋى ۇجىمدىق يممۋنيتەتتٸڭ قالىپتاسۋىنا بايلانىستى ەكەنٸن اتاپ ٶتتٸ.
سول سەبەپتٸ قالانىڭ باس سانيتارلىق دەرٸگەرٸ كٶبٸنەسە ينفەكتسييانىڭ قوزدىرعىشى بولىپ تابىلاتىن بالالار مەن جاسٶسپٸرٸمدەردٸ كوروناۆيرۋستان قورعاۋ ماڭىزدى دەپ سانايدى. سونداي-اق 60 جاستان اسقان ادامدارعا قاۋٸپ تٶندٸرەتٸنٸن ەسكە سالدى.
الماتىنىڭ باس سانيتارلىق دەرٸگەرٸ قالا تۇرعىندارىن ەكپە سالدىرۋعا, ال العاشقى ۆاكتسينالانۋدان ٶتكەندەرگە 6 نەمەسە 9 ايدان كەيٸن رەۆاكتسيناتسييا جاساۋعا شاقىردى.
