Almatyda kúnine COVID-19 aýrýymen 80 naýqas aýrýhanaǵa jatqyzylady. Bul týraly qalalyq qoǵamdyq densaýlyq saqtaý departamentiniń bastyǵy Nariman Tabynbaev onlain brifingte aitty, dep habarlaidy QazAqparat.
«Qaladaǵy epidemiologiialyq jaǵdai nasharlap ketti. Biz «qyzyl aimaqta» turmyz jáne koronavirýsqa shaldyqqandar sany kún saiyn 130 adamnan tómen túspeidi. Sonymen qatar, KVI diagnozy bar patsientterdiń sany ósýde, iaǵni, kovidti pnevmoniia. Jalpy, qalanyń densaýlyq saqtaý júiesi COVID-pen kúresýge beiimdelgen», - deidi qalanyń bas dárigeri.
Sonymen qatar, ol infektsiialyq statsionarlardyń júktemesi týraly aitty.
«Infektsiialyq statsionarlardyń júktemesi turaqty deńgeide, búgingi kúni 424 tósek-oryn bos emes, bul rette onyń 61%-y bos jáne 5 145 tósek-oryn rezervte tur. Qazirgi ýaqytta, táýligine, orta eseppen 50-80 patsient emdeýge jatqyzylýda. Bizde jansaqtaý bólimsheleri 50%-ǵa tolyq»,-deidi ol.
Sonymen qatar, ol KVI juqtyrǵandardyń arasynda basqa da aýrýy bar naýqastar sany aitarlyqtai óskendigin jetkizdi. Bul rette ol qala turǵyndarynan úiden sirek shyǵýdy, adamdar kóp jinalatyn oryndarǵa barmaýdy, ózin-ózi emdeýmen ainalyspaýdy jáne bilikti meditsinalyq kómekke júginý kerektigin aitty.
