Almaty qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin qaladaǵy koronavirýstyq infektsiianyń aldyn alýǵa bailanysty shekteý sharalary týraly brifing ótkizdi, dep habarlaidy "Ult aqparat".
Onyń aitýynsha, Almatyda virýsjuqtyrý kórsetkishi azaiyp keledi.
«Almaty qalasynyń qyzyl aimaqqa kirýine bailanysty jańa shekteýler qabyldandy. Aýrýdyń aptalyq kórsetkishi 54,2 bolyp tur. Qalypty jaǵdaida 100 myń adamǵa 50 jaǵdai bolady. Iaǵni indeks boiynsha aýrýshańdyq 1-den asyp tur. Ótken táýlikte 53 jaǵdai tirkeldi. Osylaisha koronavirýs aýrýynyń azaiǵany baiqalyp otyr», - dedi Bekshin.
Aita ketý kerek, Almaty qalasy qyzyl aimaqqa enýine bailanysty qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin jańa qaýly qabyldaǵan bolatyn.
Qaýlyǵa sáikes saýda, oiyn-saýyq ortalyqtary men bazarlar senbi-jeksenbi kúni jumys istemeidi.
Al kinoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáikes endi koronavirýs juqtyrǵan adamdar aýrýhanaǵa jatyp emdeledi.
