Almaty qalalyq Qoǵamdyq densaýlyqty saqtaý basqarmasynyń baspasóz qyzmeti koronavirýs juqtyrǵan patsientterdiń jaǵdaiy týraly aityp berdi, dep habarlaidy "Ult aqparat".
Basqarmanyń habarlaýynsha, sońǵy tirkelgen 26-shy patsient — 45 jastaǵy áiel. 23 naýryzda túngi 01.00-de Mysyrdan Almatyǵa ushyp kelgen.
«Reisten túsisimen jolaýshy birden oqshaýlandy. Dárigerler alǵan taldaýdan ol áiel COVID-19 juqtyrǵany rastaldy», - dedi basqarmanyń baspasóz qyzmetinen.
Al basqarma munyń aldynda aiqyndalǵan 2 patsient karantin kezinde koronavirýs juqtyrdy degen aqparatty joqqa shyǵardy.
«Olardyń biri munyń aldynda Máskeý-Almaty baǵytynda ushyp kelgen naýqaspen tyǵyz bailanysta bolǵan. Osyǵan bailanysty ol 14 kúnge oqshaýlanǵan bolatyn. Keshe taldaý nátijesi rastaldy. Ekinshi adam Minsk-Almaty reisinde kelgen naýqaspen seriktes bolǵan. Bul lainerdiń jolaýshylary da sol kúni oqshaýlanǵan bolatyn. Naýqastardyń barlyǵy karantinnen buryn aýyryp kelgen naýqastarmen bailanysta bolǵandyqtan juqtyrǵan», - dedi basqarmadan.
Jalpy, qalalyq aýrýhanalarda qazir 26 patsient jatyr.
Olardyń jaǵdaiy birqalypty. Tek ekeýiniń jaǵdaiyn ǵana dárigerler ortasha dep baǵalap otyr.
Al qalanyń provizorlyq emhanalarynda 660 adam jatyr. Olardyń barlyǵy 1 A sanatyndaǵy elden kelgen jolaýshylarmen bailanysta bolǵan. Olar provizorlyq emhanada bir-birinen oqshaýlanǵan. Olarǵa árqaisysyna jeke qyzmet kórsetiledi. Ortaq ashanany paidalana almaidy.
Sonymen qatar 778 adam karantinge oqshaýlanǵan.
Úi karantininde 1472 adam jatyr.
Karantinde jatqan adamdardyń barlyǵynda dene qyzýy joq. Kataraldy belgiler baiqalmaidy.
