Qazaqstanda balyq aýlaý kezinde Kaspii teńizi arqyly memlekettik shekarany zańsyz kesip ótken Irannyń úsh azamaty sottaldy, dep habarlaidy ult.kz.
Mańǵystaý oblysynyń prokýratýrasynyń málimetinshe, oqiǵa 24 shildede bolǵan. Iran azamattary balyq aýlaý kezinde Qazaqstannyń memlekettik shekarasyn ótkizý pýnktinen tys jerde zańsyz kesip ótken. Keiin olardy UQK Shekara qyzmetiniń áskeri qyzmetshileri ustaǵan.
Olarǵa QR Qylmystyq kodeksiniń 392-baby 1-1-bóligi boiynsha, iaǵni adamdar tobynyń aldyn ala sóz bailasýy boiynsha memlekettik shekarany ótkizý pýnktinen tys jerde qasaqana zańsyz kesip ótkeni úshin aiyp taǵylǵan.
Qaraqiia aýdandyq soty úsheýin de kináli dep tanyp, árqaisysyna bir jylǵa bas bostandyǵynan aiyrý jazasyn taǵaiyndady. Sonymen qatar olar Qazaqstan aýmaǵynan shyǵarylýǵa jatady.
Sot úkimi ázirge zańdy kúshine engen joq.
