الماتى قالالىق قوعامدىق دەنساۋلىقتى ساقتاۋ باسقارماسىنىڭ باسپاسٶز قىزمەتٸ كوروناۆيرۋس جۇقتىرعان پاتسيەنتتەردٸڭ جاعدايى تۋرالى ايتىپ بەردٸ, دەپ حابارلايدى "ۇلت اقپارات".
باسقارمانىڭ حابارلاۋىنشا, سوڭعى تٸركەلگەن 26-شى پاتسيەنت — 45 جاستاعى ەيەل. 23 ناۋرىزدا تٷنگٸ 01.00-دە مىسىردان الماتىعا ۇشىپ كەلگەن.
«رەيستەن تٷسٸسٸمەن جولاۋشى بٸردەن وقشاۋلاندى. دەرٸگەرلەر العان تالداۋدان ول ەيەل COVID-19 جۇقتىرعانى راستالدى», - دەدٸ باسقارمانىڭ باسپاسٶز قىزمەتٸنەن.
ال باسقارما مۇنىڭ الدىندا ايقىندالعان 2 پاتسيەنت كارانتين كەزٸندە كوروناۆيرۋس جۇقتىردى دەگەن اقپاراتتى جوققا شىعاردى.
«ولاردىڭ بٸرٸ مۇنىڭ الدىندا مەسكەۋ-الماتى باعىتىندا ۇشىپ كەلگەن ناۋقاسپەن تىعىز بايلانىستا بولعان. وسىعان بايلانىستى ول 14 كٷنگە وقشاۋلانعان بولاتىن. كەشە تالداۋ نەتيجەسٸ راستالدى. ەكٸنشٸ ادام مينسك-الماتى رەيسٸندە كەلگەن ناۋقاسپەن سەرٸكتەس بولعان. بۇل لاينەردٸڭ جولاۋشىلارى دا سول كٷنٸ وقشاۋلانعان بولاتىن. ناۋقاستاردىڭ بارلىعى كارانتيننەن بۇرىن اۋىرىپ كەلگەن ناۋقاستارمەن بايلانىستا بولعاندىقتان جۇقتىرعان», - دەدٸ باسقارمادان.
جالپى, قالالىق اۋرۋحانالاردا قازٸر 26 پاتسيەنت جاتىر.
ولاردىڭ جاعدايى بٸرقالىپتى. تەك ەكەۋٸنٸڭ جاعدايىن عانا دەرٸگەرلەر ورتاشا دەپ باعالاپ وتىر.
ال قالانىڭ پروۆيزورلىق ەمحانالارىندا 660 ادام جاتىر. ولاردىڭ بارلىعى 1 ا ساناتىنداعى ەلدەن كەلگەن جولاۋشىلارمەن بايلانىستا بولعان. ولار پروۆيزورلىق ەمحانادا بٸر-بٸرٸنەن وقشاۋلانعان. ولارعا ەرقايسىسىنا جەكە قىزمەت كٶرسەتٸلەدٸ. ورتاق اسحانانى پايدالانا المايدى.
سونىمەن قاتار 778 ادام كارانتينگە وقشاۋلانعان.
ٷي كارانتينٸندە 1472 ادام جاتىر.
كارانتيندە جاتقان ادامداردىڭ بارلىعىندا دەنە قىزۋى جوق. كاتارالدى بەلگٸلەر بايقالمايدى.
