4 قازاندا قازاقستاننىڭ باسىم بٶلٸگٸندە اۋا رايى قۇبىلمالى بولادى. ەلدٸڭ سولتٷستٸگٸ مەن باتىسىندا كٷن كٷرت سالقىنداپ, جاڭبىر قارعا ۇلاسۋى مٷمكٸن. ال وڭتٷستٸك ٶڭٸرلەردە جاڭبىر جاۋىپ, نايزاعاي وينايدى. كەي ايماقتاردا قاتتى جەل, تۇمان مەن كٶكتايعاق كٷتٸلەدٸ, دەپ حابارلايدى ult.kz.
قازگيدرومەتتٸڭ بولجامىنشا, ەل اۋماعىنا تسيكلون مەن اتموسفەرالىق فرونتتاردىڭ ەسەر ەتۋٸنە بايلانىستى جاۋىن-شاشىندى اۋا رايى ساقتالادى. سولتٷستٸك جەنە سولتٷستٸك-باتىستا جاڭبىر مەن قار جاۋىپ, جەل كٷشەيەدٸ. وڭتٷستٸك پەن وڭتٷستٸك-شىعىستىڭ كەي جەرلەرٸندە نٶسەر جاڭبىر جاۋۋى ىقتيمال.
استانادا تٷندە اۋا تەمپەراتۋراسى +5…+7 گرادۋس, كٷندٸز +8…+10 گرادۋس بولادى. جاڭبىر جاۋىپ, كەيٸن قار ارالاسۋى مٷمكٸن. جەلدٸڭ ەكپٸنٸ كەي ۋاقىتتا 25 م/س-قا دەيٸن جەتەدٸ. الماتىدا كٷن جىلى ەرٸ جاۋىن-شاشىنسىز: تٷندە +12…+14, كٷندٸز +25…+27 گرادۋس. شىمكەنتتە +15…+17 گرادۋس شاماسىندا بولىپ, جاڭبىر جاۋىپ, نايزاعاي وينايدى.
ەلدٸڭ باتىسىندا كٷن ەدەۋٸر سالقىندايدى. اقتٶبەدە تٷندە 0…+2, كٷندٸز +3…+5 گرادۋس بولىپ, جاڭبىر مەن قار جاۋادى. ورالدا دا اۋا تەمپەراتۋراسى تٷندە 0…+2, كٷندٸز +5…+7 گرادۋس شاماسىندا, جاڭبىر مەن قار جەنە تۇمان بولجانادى. اتىراۋدا كٷندٸز +12…+14, اقتاۋدا +15…+17 گرادۋس بولادى.
سولتٷستٸك ٶڭٸرلەردە دە سالقىن اۋا رايى كٷتٸلەدٸ. قوستانايدا كٷندٸز +6…+8, پەتروپاۆلدا +9…+11, كٶكشەتاۋدا +10…+12 گرادۋس. بۇل قالالاردا جاڭبىر قارعا ۇلاسىپ, كەي جەردە تۇمان تٷسٸپ, جەل كٷشەيەدٸ. پاۆلوداردا كٷندٸز +19…+21 گرادۋس بولىپ, جاڭبىر جاۋادى.
ورتالىقتا قاراعاندىدا كٷندٸز +15…+17, جەزقازعاندا شامامەن +10…+12 گرادۋس بولادى. جاڭبىر جاۋىپ, جەل كٷشەيەدٸ. شىعىستا سەمەيدە كٷندٸز +19…+21, ٶسكەمەندە +20…+22 گرادۋسقا دەيٸن جىلىنادى.
ال وڭتٷستٸك پەن وڭتٷستٸك-شىعىستا سالىستىرمالى تٷردە جىلى اۋا رايى ساقتالادى. تالدىقورعاندا كٷندٸز +28…+30, قوناەۆتا +26…+28 گرادۋسقا دەيٸن كٶتەرٸلەدٸ. تارازدا +22…+24 گرادۋس بولىپ, جاڭبىر جاۋىپ, نايزاعاي وينايدى. تٷركٸستاندا +15…+17 گرادۋس شاماسىندا بولىپ, قاتتى جاڭبىر مەن ەكپٸندٸ جەل كٷتٸلەدٸ. قىزىلوردادا كٷندٸز +12…+14 گرادۋس, جاڭبىر جاۋىپ, نايزاعاي ويناۋى مٷمكٸن.
سينوپتيكتەر جەلدٸڭ كٷشەيۋٸ, تۇمان, كٶكتايعاق جەنە تەمپەراتۋرانىڭ كٷرت تٶمەندەۋٸنە بايلانىستى تۇرعىندارعا ساق بولۋدى ەسكەرتەدٸ.
