Qairat Nurtas Almatydaǵy Ortalyq stadionda shyǵarmashylyq jolyndaǵy 20 jyldyǵyna arnalǵan «Sahnada 20 jyl» atty kontsertin ótkizdi. 4 qazanda ótken keshke qyryq myńǵa jýyq kórermen jinaldy, dep habarlaidy ult.kz.
Kontsert barysynda ánshi sahnaǵa qyzy Alaýdy da shaqyrdy. Alaida qyzdyń sahnadaǵy kiimine qatysty áleýmettik jeli qoldanýshylary arasynda syn-pikirler aityldy.
Jelide keibir qoldanýshylar Alaýdyń kiimin tym ashyq dep baǵalap, bul máselege onyń ákesi retinde Qairat Nurtas jaýapty bolýy kerek degen pikir bildirdi.
«Ákesi óz qyzyn sheshindirip halyq aldyna usynýda»,
«Ahyrette ákeleri otbasy úshin jaýap beredi»,
«Men qyzymdy olai sánin jaltyratyp halyqqa shyǵarmas edim», – degen pikirler jazyldy.
Taǵy bir qoldanýshy qyzdyń ata-anasy men ata-ájesiniń kózinshe sahnada mundai kiimmen shyǵýyna qatysty: «Uiat, tárbie qaida?» degen pikir qaldyrǵan.
Aita keteiik, Qairat Nurtas biyl sahnadaǵy 20 jyldyǵyna orai Qazaqstannyń birneshe qalasynda kontsert berip júr. Almatydaǵy kontsert 4 qazanda Ortalyq stadionda ótti. Al onyń «Sahnada 20 jyl» týry Shymkent, Qyzylorda jáne Atyraýda jalǵasady.
Qairat Nurtas nemese Alaý atalǵan synǵa ázirge pikir bildirgen joq.
