Búgin Almatyda COVID-19 virýsyn juqtyrýdyń jańadan 57 jaǵdaiy tirkeldi. Onyń tórteýi ózdiginen tekserilýge júgingen adamdar, dep habarlaidy QazAqparat.
«Profilaktikalyq tekserý kezinde indet 14 adamnan anyqtalsa, qalǵandary karantinde bolǵandar. Olarmen jaqyn bailanys jasaǵan barlyq azamat oqshaýlandyryldy. Jalpy, megapoliste pandemiia bastalǵaly beri virýstyń rastalǵan 1966 jaǵdaiy tirkeldi»,– deidi Almaty qalasy Qoǵamdyq densaýlyq saqtaý basqarmasynyń basshysy Tileýhan Ábildaev.
Qazirgi ýaqytta qalalyq juqpaly aýrýlar statsionarynda koronavirýs infektsiiasynan 864 naýqas em-dom qabyldap jatyr, onyń 30 – bala. Eki naýqastyń jaǵdaiy – óte aýyr, 22 adamda – aýyr, 240 naýqasta aýyrlyqtyń ortasha dárejesi, al qalǵandarynyń densaýlyǵy qanaǵattanarlyq.
Búgingi kúni provizorlyq gospitalda 196 adam bar, 266 adam karantinde. 13 299 azamat úi karantininde jatyr.
Keshegi kúni 55 adam qaýipti indetten jazylyp shyqty. Onyń ishinde 28 adam – meditsina qyzmetkerleri, 1,5 jas pen 16 jasqa deiingi – 10 bala, 68-73 jastaǵy úsh zeinetker jáne qalǵandary orta jastaǵy azamattar.
Jalpy, shaharda pandemiia bastalǵaly beri qaýipti indetten 1092 naýqas saýyǵyp shyqty, bul 56% quraidy.
«Qalada karantin rejimi áli jalǵasýda. Megapolis turǵyndaryna, ásirese, jótel, murynnan sý aǵý nemese basqa da aýrý simptomdary bolǵan jaǵdaida barlyq qaýipsizdik sharalaryn ustaný kerektigin eskertemiz. Atap aitqanda, betperde kiip, múmkindiginshe halyq kóp jinalatyn oryndarǵa barmaýǵa, qoldy jii jýyp, adamdardan kem degende 2 metr qashyqtyqta ustaý kerektigin ótinip suraimyz. Bul usynystardy oryndai otyryp, siz aýrýdyń taralý qaýpin tómendetesiz. Eger sizde dene qyzýy kóterilip, jótel paida bolsa, tynys alý qiyndai tússe, meditsinalyq kómekke júginip, jedel járdem shaqyrǵanyńyz abzal», – dedi Almaty qalasy Qoǵamdyq densaýlyq saqtaý basqarmasynyń basshysy Tileýhan Ábildaev.
