بٷگٸن الماتىدا COVID-19 ۆيرۋسىن جۇقتىرۋدىڭ جاڭادان 57 جاعدايى تٸركەلدٸ. ونىڭ تٶرتەۋٸ ٶزدٸگٸنەن تەكسەرٸلۋگە جٷگٸنگەن ادامدار, دەپ حابارلايدى قازاقپارات.
«پروفيلاكتيكالىق تەكسەرۋ كەزٸندە ٸندەت 14 ادامنان انىقتالسا, قالعاندارى كارانتيندە بولعاندار. ولارمەن جاقىن بايلانىس جاساعان بارلىق ازامات وقشاۋلاندىرىلدى. جالپى, مەگاپوليستە پاندەمييا باستالعالى بەرٸ ۆيرۋستىڭ راستالعان 1966 جاعدايى تٸركەلدٸ»,– دەيدٸ الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ.
قازٸرگٸ ۋاقىتتا قالالىق جۇقپالى اۋرۋلار ستاتسيونارىندا كوروناۆيرۋس ينفەكتسيياسىنان 864 ناۋقاس ەم-دوم قابىلداپ جاتىر, ونىڭ 30 – بالا. ەكٸ ناۋقاستىڭ جاعدايى – ٶتە اۋىر, 22 ادامدا – اۋىر, 240 ناۋقاستا اۋىرلىقتىڭ ورتاشا دەرەجەسٸ, ال قالعاندارىنىڭ دەنساۋلىعى قاناعاتتانارلىق.
بٷگٸنگٸ كٷنٸ پروۆيزورلىق گوسپيتالدا 196 ادام بار, 266 ادام كارانتيندە. 13 299 ازامات ٷي كارانتينٸندە جاتىر.
كەشەگٸ كٷنٸ 55 ادام قاۋٸپتٸ ٸندەتتەن جازىلىپ شىقتى. ونىڭ ٸشٸندە 28 ادام – مەديتسينا قىزمەتكەرلەرٸ, 1,5 جاس پەن 16 جاسقا دەيٸنگٸ – 10 بالا, 68-73 جاستاعى ٷش زەينەتكەر جەنە قالعاندارى ورتا جاستاعى ازاماتتار.
جالپى, شاھاردا پاندەمييا باستالعالى بەرٸ قاۋٸپتٸ ٸندەتتەن 1092 ناۋقاس ساۋىعىپ شىقتى, بۇل 56% قۇرايدى.
«قالادا كارانتين رەجيمٸ ەلٸ جالعاسۋدا. مەگاپوليس تۇرعىندارىنا, ەسٸرەسە, جٶتەل, مۇرىننان سۋ اعۋ نەمەسە باسقا دا اۋرۋ سيمپتومدارى بولعان جاعدايدا بارلىق قاۋٸپسٸزدٸك شارالارىن ۇستانۋ كەرەكتٸگٸن ەسكەرتەمٸز. اتاپ ايتقاندا, بەتپەردە كيٸپ, مٷمكٸندٸگٸنشە حالىق كٶپ جينالاتىن ورىندارعا بارماۋعا, قولدى جيٸ جۋىپ, ادامداردان كەم دەگەندە 2 مەتر قاشىقتىقتا ۇستاۋ كەرەكتٸگٸن ٶتٸنٸپ سۇرايمىز. بۇل ۇسىنىستاردى ورىنداي وتىرىپ, سٸز اۋرۋدىڭ تارالۋ قاۋپٸن تٶمەندەتەسٸز. ەگەر سٸزدە دەنە قىزۋى كٶتەرٸلٸپ, جٶتەل پايدا بولسا, تىنىس الۋ قيىنداي تٷسسە, مەديتسينالىق كٶمەككە جٷگٸنٸپ, جەدەل جەردەم شاقىرعانىڭىز ابزال», – دەدٸ الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ.
