Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda Almatyda KVI vaktsinatsiia qalai ótetinin aitty, dep habarlaidy QazAqparat.
«Vaktsinalaý tumaý aýrýynan vaktsinatsiia siiaqty júrgiziledi. Ol úshin barlyq emhanalyq mekemeler ázirlendi. Vaktsinator medbikeler oqytyldy. Alaida taǵy bir ret qaýipsiz immýnizatsiia boiynsha testileýden ótedi. Bul jumysqa terapevter de tartylatyn bolady. Qazir tizim jasap jatyrmyz. Birinshi kezekte dárigerler, ustazdar, politsiia qyzmetkerleri vaktsinatsiiadan ótedi. Onyń ishinde kei adamdarǵa salynbaýy múmkin. Mysaly allergiiasy bar, densaýlyǵy nashar, júkti áielderge ekpe salynbaidy», - dedi Bekshin.
Onyń aitýynsha, qazir Almatyda tońazytqyshtar daiyn.
«Qalada vaktsina saqtalatyn tońazytqyshtar jetkilikti. Bul jumysty Almatydaǵy memlekettik emhanalar túgel, keibir jekemenshik emhanalar atqaratyn bolady», - dedi Bekshin.
