Almatyda koronavirýs infektsiiasynyń kórsetkishi artyp keledi. Bul týraly onlain brifing barysynda qalanyń bas sanitarlyq dárigeri Jandarbek Bekshin aitty, dep habarlaidy "Ult aqparat".
«Ahýal salystyrmaly túrde alǵanda qazir turaqty. Aýrý jaǵdailary kezeń kezeńimen artyp keledi. Aidyń basymen salystyrǵanda ol kezde kúnine 3-5 jaǵdai tirkeletin, qazir kúnine 15-20 adam tirkeledi», - dedi brifing barysynda Jandarbek Bekshin.
Onyń aitýynsha, táýliktik ósim 0,1%, reprodýktivti san R, iaǵni taralý indeksi – 1,88. Bul kórsetkishterdi bylai túsinýge bolady: R>1 – epidemiia ósip keledi, R=1– epidemiia burynǵydai, R<1 – epidemiia tómendep keledi.
Almatyda COVID-19 tirkelgeli beri 14 622 jaǵdai laboratoriialyq jolmen rastaldy. Onyń 8 791-i simptomdy, 5 871-i simptomsyz bolyp otyr. 1 tamyzdan bastap (koronavirýs pnevmoniiasy esebi engizilgen kez) 998 koronavirýs pnevmoniiasy tirkelgen.
