الماتىدا كوروناۆيرۋس ينفەكتسيياسىنىڭ كٶرسەتكٸشٸ ارتىپ كەلەدٸ. بۇل تۋرالى ونلاين بريفينگ بارىسىندا قالانىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
«احۋال سالىستىرمالى تٷردە العاندا قازٸر تۇراقتى. اۋرۋ جاعدايلارى كەزەڭ كەزەڭٸمەن ارتىپ كەلەدٸ. ايدىڭ باسىمەن سالىستىرعاندا ول كەزدە كٷنٸنە 3-5 جاعداي تٸركەلەتٸن, قازٸر كٷنٸنە 15-20 ادام تٸركەلەدٸ», - دەدٸ بريفينگ بارىسىندا جانداربەك بەكشين.
ونىڭ ايتۋىنشا, تەۋلٸكتٸك ٶسٸم 0,1%, رەپرودۋكتيۆتٸ سان R, ياعني تارالۋ يندەكسٸ – 1,88. بۇل كٶرسەتكٸشتەردٸ بىلاي تٷسٸنۋگە بولادى: R>1 – ەپيدەمييا ٶسٸپ كەلەدٸ, R=1– ەپيدەمييا بۇرىنعىداي, R<1 – ەپيدەمييا تٶمەندەپ كەلەدٸ.
الماتىدا COVID-19 تٸركەلگەلٸ بەرٸ 14 622 جاعداي لابوراتورييالىق جولمەن راستالدى. ونىڭ 8 791-ٸ سيمپتومدى, 5 871-ٸ سيمپتومسىز بولىپ وتىر. 1 تامىزدان باستاپ (كوروناۆيرۋس پنەۆمونيياسى ەسەبٸ ەنگٸزٸلگەن كەز) 998 كوروناۆيرۋس پنەۆمونيياسى تٸركەلگەن.
