Almatyda kópqabatty úidegi órt kezinde 26 adam qutqaryldy, dep habarlaidy ult.kz.
Búgin tańerteń Almaty qalasynyń Áýezov aýdanynda, Aqsai-1A shaǵynaýdanynda ornalasqan toǵyz qabatty kóppáterli turǵyn úidiń tórtinshi qabatyndaǵy páterden órt shyqty. Órt aýmaǵy 20 sharshy metrdi qurady.
TJD qutqarýshylary avtosaty, qutqarý qalpaqtary jáne baspaldaq arqyly 26 adamdy, onyń ishinde 2 balany qutqardy. Sonymen qatar 40 adam evakýatsiialandy.
Órt jarty saǵat ishinde sóndirildi. Zardap shekkender joq. Órttiń shyǵý sebebi anyqtalýda.
