Almatyda turǵyn úide shyqqan órtten bir adam mert boldy, dep habarlaidy QazAqparat.
Órt týraly aqparat tótenshe jaǵdailar departamentine 8 qarasha kúni tańǵy saǵat 06:41 kezinde túsken.
Órt sóndrýshiler Bostandyq aýdany «Qazaqfilm» shaǵyn aýdanyndaǵy mekenjaiǵa joǵary dárejedegi shaqyrtýǵa shyqty.
Órt sóndirýshiler kelgen kezde bes qabatty úidiń birinshi qabatynyń baspaldaǵyn qoiý qara tútin basqan.
Turǵyndardyń basym bóligi páterinen syrtqa shyǵyp úlgergen.
Al órtke oranǵan páterge gaz-tútinnen qorǵaý qyzmetiniń mamandary qutqarý quraldarynyń kómegimen temir tordy buzyp, as úide qamalyp qalǵan 75 jastaǵy úi iesin shyǵardy.
Ájesi eki nemeresin qaýipsiz jerge shyǵaryp úlgergen. Barlaý kezinde úsh bólmeli páterdiń birinde er adamnyń bar ekeni týraly aityldy.
Izdestirý-qutqarý jumystary barysynda janyp jatqan bólmeniń ishinen 1977 jyly týǵan er adamnyń denesi tabyldy.
Zardap shekkender jedel járdem brigadasyna tapsyryldy.
Órtti sóndirýge 30 qyzmetker, 6 tehnika jumyldyryldy.
Órt qýattap qoiǵan elektrosamokattan shyǵýy múmkin degen boljam bar.
