الماتىدا تۇرعىن ٷيدە شىققان ٶرتتەن بٸر ادام مەرت بولدى, دەپ حابارلايدى قازاقپارات.
ٶرت تۋرالى اقپارات تٶتەنشە جاعدايلار دەپارتامەنتٸنە 8 قاراشا كٷنٸ تاڭعى ساعات 06:41 كەزٸندە تٷسكەن.
ٶرت سٶندرۋشٸلەر بوستاندىق اۋدانى «قازاقفيلم» شاعىن اۋدانىنداعى مەكەنجايعا جوعارى دەرەجەدەگٸ شاقىرتۋعا شىقتى.
ٶرت سٶندٸرۋشٸلەر كەلگەن كەزدە بەس قاباتتى ٷيدٸڭ بٸرٸنشٸ قاباتىنىڭ باسپالداعىن قويۋ قارا تٷتٸن باسقان.
تۇرعىنداردىڭ باسىم بٶلٸگٸ پەتەرٸنەن سىرتقا شىعىپ ٷلگەرگەن.
ال ٶرتكە ورانعان پەتەرگە گاز-تٷتٸننەن قورعاۋ قىزمەتٸنٸڭ ماماندارى قۇتقارۋ قۇرالدارىنىڭ كٶمەگٸمەن تەمٸر توردى بۇزىپ, اس ٷيدە قامالىپ قالعان 75 جاستاعى ٷي يەسٸن شىعاردى.
ەجەسٸ ەكٸ نەمەرەسٸن قاۋٸپسٸز جەرگە شىعارىپ ٷلگەرگەن. بارلاۋ كەزٸندە ٷش بٶلمەلٸ پەتەردٸڭ بٸرٸندە ەر ادامنىڭ بار ەكەنٸ تۋرالى ايتىلدى.
ٸزدەستٸرۋ-قۇتقارۋ جۇمىستارى بارىسىندا جانىپ جاتقان بٶلمەنٸڭ ٸشٸنەن 1977 جىلى تۋعان ەر ادامنىڭ دەنەسٸ تابىلدى.
زارداپ شەككەندەر جەدەل جەردەم بريگاداسىنا تاپسىرىلدى.
ٶرتتٸ سٶندٸرۋگە 30 قىزمەتكەر, 6 تەحنيكا جۇمىلدىرىلدى.
ٶرت قۋاتتاپ قويعان ەلەكتروساموكاتتان شىعۋى مٷمكٸن دەگەن بولجام بار.
