Tanymal reseilik ánshi Filipp Kirkorov Almatyda ótken kontsertte sahnaǵa nege jalańbut shyqqanyn túsindirdi, - dep habarlaidy Massaget.kz portaly.
Ánshiniń sózinshe, ol sahnada kiim aýystyrý elementin qoldanýy kerek bolǵan. Bul tásildi ol buǵan deiin basqa kontsertterinde de qoldanǵan. Ol kezde bári durys bolǵan. Alaida Almatydaǵy kontsertinde shoý sátsiz aiaqtalǵan.
"Ortalyq Aziiadaǵy kúzgi týrdyń eń sońǵysy Almatydaǵy kontsert boldy... Finaldyq kontsertte qandai da bir tosynsyi daiyndaý dástúrge ainalǵan. Áriptesterim maǵan "syi" daiyndaǵan. Meniń komandam naǵyz buzaqy. Meniń tájiribem jeterlik bolsa da sahnada meni aldap ketkende ózim qatty tańǵaldym. (...) Bul joly meni sahnada shortysyz qaldyrdy. Ázil ekenin túsinemin. Biraq ondai ázildi óz basym unatpaimyn, ne isterimdi bilmei qaldym. Biraq Show must go on! Komandamnyń bul áreketin umytpaimyn. Oǵan laiyq jaýap ta daiyndap qoiamyn!", - deidi ánshi.
Kirkorovtyń oqyrmandary túrli pikir jazdy.
"Sizdi jaqsy tanityn adamdar bul ázil ekenin túsinedi ǵoi", "Muny komandańyz siz bilmei isteýi múmkin emes, aqtalýdyń ne qajeti bar?", "Kontsert keremet ótti", - deidi ánshiniń oqyrmandary.
