Almatyda kóńil kóterý úshin bóten avtokólikterdi aidap ketken 18 jastaǵy eki jigit ustaldy, dep habarlaidy "Ult aqparat".
Almaty qalalyq politsiia departamentiniń habarlaýynsha, Almaty oblysynyń on segiz jastaǵy eki turǵyny jolda jarysyp, drift uiymdastyryp, bóten kólikterdi ádeii buzǵan. Ekeýiniń de júrgizýshi kýáligi joq.
Sonymen qatar, kúdiktiler kólikti kilt tańdap nemese buraýysh arqyly ashqan. Olar urlanǵan kólikpen adam az júretin jerlerde jarysyp, drift jasaǵan. Kóńil kóterip bolǵan soń kólikterdi jol jiegine qaldyryp ketken.
«Almatyda ustalǵan azamattardyń bóten kólik quraldaryn zańsyz iemdený faktisine qatysy bary dáleldendi. Endi olar QR QK 200-babyna sáikes qylmystyq jaýapkershilikke tartylady. Olardyń basqa da qylmystarǵa qatysty bar-joǵy anyqtalyp jatyr», - dedi Almaty qalalyq kriminaldyq politsiia basqarmasynyń bastyǵy Janbolat Ziadin.
