الماتىدا كٶڭٸل كٶتەرۋ ٷشٸن بٶتەن اۆتوكٶلٸكتەردٸ ايداپ كەتكەن 18 جاستاعى ەكٸ جٸگٸت ۇستالدى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ حابارلاۋىنشا, الماتى وبلىسىنىڭ ون سەگٸز جاستاعى ەكٸ تۇرعىنى جولدا جارىسىپ, دريفت ۇيىمداستىرىپ, بٶتەن كٶلٸكتەردٸ ەدەيٸ بۇزعان. ەكەۋٸنٸڭ دە جٷرگٸزۋشٸ كۋەلٸگٸ جوق.
سونىمەن قاتار, كٷدٸكتٸلەر كٶلٸكتٸ كٸلت تاڭداپ نەمەسە بۇراۋىش ارقىلى اشقان. ولار ۇرلانعان كٶلٸكپەن ادام از جٷرەتٸن جەرلەردە جارىسىپ, دريفت جاساعان. كٶڭٸل كٶتەرٸپ بولعان سوڭ كٶلٸكتەردٸ جول جيەگٸنە قالدىرىپ كەتكەن.
«الماتىدا ۇستالعان ازاماتتاردىڭ بٶتەن كٶلٸك قۇرالدارىن زاڭسىز يەمدەنۋ فاكتٸسٸنە قاتىسى بارى دەلەلدەندٸ. ەندٸ ولار قر قك 200-بابىنا سەيكەس قىلمىستىق جاۋاپكەرشٸلٸككە تارتىلادى. ولاردىڭ باسقا دا قىلمىستارعا قاتىستى بار-جوعى انىقتالىپ جاتىر», - دەدٸ الماتى قالالىق كريمينالدىق پوليتسييا باسقارماسىنىڭ باستىعى جانبولات زيادين.
