Almatyda kólik urlap jatqan adamnyń videosy áleýmettik jelige tarady, dep habarlaidy QazAqparat.
Almaty qalalyq politsiia departamentiniń málimetinshe, qaskói kólikti urlap bara jatqan sátinde kólik iesi oǵan bóget jasamaq bolǵan.
Ol kóliktiń kapotyna sekiredi. Biraq onyń ústinde kóp tura almai, jerge qulaidy.
Keiin qylmysker kólikti alysqa aparmai, toqtatyp, odan shyǵyp jasyrynyp úlgergen.
Shaǵymdanýshynyń sózinshe, oǵan «saý júrgizýshi» qyzmetin kórsetken adam kóligin urlamaq bolǵan.
«Politsiia bóliminde QR Qylmystyq kodeksiniń 200-babynda qarastyrylǵan qylmys baby boiynsha sotqa deiingi tergeý amaldary bastaldy. Mán-jai anyqtalyp jatyr. Kúdiktini izdeý jalǵasýda», - dedi Áýezov aýdandyq politsiia basqarmasynyń bastyǵy politsiia podpolkovnigi Ulan Ábilqaiyr.
