Almatyda «Lexus RX-300» kóligi konteinerge soǵylyp, 17 jastaǵy jolaýshy mert boldy, dep habarlaidy QazAqparat.
Qalalyq Politsiia departamentiniń dereginshe, jol-kólik oqiǵasy búgin túnde shamamen saǵat 00:10-da Súmbile kóshesinde bolǵan.
«Lexus RX-300» kóliginiń júrgizýshisi Súmbile kóshesiniń boiymen ońtústik baǵytta kele jatyp, «Ójet» yqsham aýdanynda rýlge ie bola almai qalǵan. Ol jeke turǵyn úidiń qorshaýyna soǵylyp, sodan keiin inertsiiamen konteinerge kirip ketken. Apat saldarynan 17 jastaǵy jolaýshy oqiǵa ornynda kóz jumdy. Kólik júrgizýshisi men onyń eki jolaýshysy túrli dene jaraqattarymen qalalyq aýrýhanalardyń birine jetkizildi», - dedi Almaty qalasynyń PD Anyqtaý basqarmasynyń bastyǵy Oljas Sháripov.
Atalǵan derek Qazaqstan Respýblikasy Qylmystyq kodeksiniń 345-baby 3-bóligi boiynsha sotqa deiingi tergep-tekserýdiń biryńǵai tizilimine tirkeldi.
Saraptamalar taǵaiyndaldy.
