الماتىدا «Lexus RX-300» كٶلٸگٸ كونتەينەرگە سوعىلىپ, 17 جاستاعى جولاۋشى مەرت بولدى, دەپ حابارلايدى قازاقپارات.
قالالىق پوليتسييا دەپارتامەنتٸنٸڭ دەرەگٸنشە, جول-كٶلٸك وقيعاسى بٷگٸن تٷندە شامامەن ساعات 00:10-دا سٷمبٸلە كٶشەسٸندە بولعان.
«Lexus RX-300» كٶلٸگٸنٸڭ جٷرگٸزۋشٸسٸ سٷمبٸلە كٶشەسٸنٸڭ بويىمەن وڭتٷستٸك باعىتتا كەلە جاتىپ, «ٶجەت» ىقشام اۋدانىندا رۋلگە يە بولا الماي قالعان. ول جەكە تۇرعىن ٷيدٸڭ قورشاۋىنا سوعىلىپ, سودان كەيٸن ينەرتسييامەن كونتەينەرگە كٸرٸپ كەتكەن. اپات سالدارىنان 17 جاستاعى جولاۋشى وقيعا ورنىندا كٶز جۇمدى. كٶلٸك جٷرگٸزۋشٸسٸ مەن ونىڭ ەكٸ جولاۋشىسى تٷرلٸ دەنە جاراقاتتارىمەن قالالىق اۋرۋحانالاردىڭ بٸرٸنە جەتكٸزٸلدٸ», - دەدٸ الماتى قالاسىنىڭ پد انىقتاۋ باسقارماسىنىڭ باستىعى ولجاس شەرٸپوۆ.
اتالعان دەرەك قازاقستان رەسپۋبليكاسى قىلمىستىق كودەكسٸنٸڭ 345-بابى 3-بٶلٸگٸ بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلدٸ.
ساراپتامالار تاعايىندالدى.
