Sýret: Gov.kz
Almaty ákimdigi qoǵamdyq kólikte jol júrý aqysyn 20 teńgege kóterip, qolma-qol tólemdi alyp tastamaq. Tiisti ákimdik qaýlysynyń jobasy "Ashyq zańdy jáne zańdy tulǵalar" saitynda ornalastyryldy.
Qazir jol júrý aqysy qolma-qol aqshasyz tólem 100 teńge, qolma-qol tólem 200 teńge.
"Almaty qalasynda áleýmettik mańyzy bar aýdanaralyq (qalaaralyq oblysishilik) jáne qala mańyndaǵy baǵyttarda jolaýshylardy tasymaldaý qyzmetteriniń baǵasy 120 teńge mólsherinde belgilensin", - delingen qujatta.
Ákimdiktiń málimetinshe, jeńildetilgen sanattaǵy azamattar úshin jol júrý aqysy tólemniń 50 paiyzyna teń. Sonymen qatar qoǵamdyq kólikterde jolaýshylardyń qaýipsizdigin qamtamasyz etý úshin quzyrly organdar qolma-qol jol júrý aqysyn alyp tastaýdy qarastyrǵan.
"Bul avtobýs júrgizýshisine kólikti júrgizýge jáne aqsha jinaýǵa alańdamaýǵa múmkindik beredi", – dep esepteidi ákimdiktegiler.
Almaty qalasy qalalyq mobildilik basqarmasy 80 teńgelik tarif 2011 jyldan beri ózgermegenin, tek byltyr ǵana 20 teńgege kóterilgenin atap ótti. Bul rette basqarma biyl qoǵamdyq kólikterde jol júrý aqysy ortasha eseppen 310 teńge bolsa, keibir baǵyttar boiynsha 400 teńgege jetkenin basa aitty.
"Osyǵan bailanysty tasymaldaýshylarǵa tólenetin sýbsidiia kólemi jyl saiyn artyp keledi. 2023 jyly 68,7 milliard teńge bólinse, 2024 jyly sýbsidiialaýdyń boljamdy kólemi 97,3 milliard teńgege deiin ósti. Osylaisha qoldanystaǵy tarif boiynsha sýbsidiialar kólemi únemi ósip otyrady", – dep habarlady ákimdiktegiler.
Vedomstvo jańa tarifpen 2024 jyly boljanǵan sýbsidiia kólemi 7 milliard teńgeden astam qarajatqa qysqaratynyn basa aitty.
