سۋرەت: Gov.kz
الماتى ەكٸمدٸگٸ قوعامدىق كٶلٸكتە جول جٷرۋ اقىسىن 20 تەڭگەگە كٶتەرٸپ, قولما-قول تٶلەمدٸ الىپ تاستاماق. تيٸستٸ ەكٸمدٸك قاۋلىسىنىڭ جوباسى "اشىق زاڭدى جەنە زاڭدى تۇلعالار" سايتىندا ورنالاستىرىلدى.
قازٸر جول جٷرۋ اقىسى قولما-قول اقشاسىز تٶلەم 100 تەڭگە, قولما-قول تٶلەم 200 تەڭگە.
"الماتى قالاسىندا ەلەۋمەتتٸك ماڭىزى بار اۋدانارالىق (قالاارالىق وبلىسٸشٸلٸك) جەنە قالا ماڭىنداعى باعىتتاردا جولاۋشىلاردى تاسىمالداۋ قىزمەتتەرٸنٸڭ باعاسى 120 تەڭگە مٶلشەرٸندە بەلگٸلەنسٸن", - دەلٸنگەن قۇجاتتا.
ەكٸمدٸكتٸڭ مەلٸمەتٸنشە, جەڭٸلدەتٸلگەن ساناتتاعى ازاماتتار ٷشٸن جول جٷرۋ اقىسى تٶلەمنٸڭ 50 پايىزىنا تەڭ. سونىمەن قاتار قوعامدىق كٶلٸكتەردە جولاۋشىلاردىڭ قاۋٸپسٸزدٸگٸن قامتاماسىز ەتۋ ٷشٸن قۇزىرلى ورگاندار قولما-قول جول جٷرۋ اقىسىن الىپ تاستاۋدى قاراستىرعان.
"بۇل اۆتوبۋس جٷرگٸزۋشٸسٸنە كٶلٸكتٸ جٷرگٸزۋگە جەنە اقشا جيناۋعا الاڭداماۋعا مٷمكٸندٸك بەرەدٸ", – دەپ ەسەپتەيدٸ ەكٸمدٸكتەگٸلەر.
الماتى قالاسى قالالىق موبيلدٸلٸك باسقارماسى 80 تەڭگەلٸك تاريف 2011 جىلدان بەرٸ ٶزگەرمەگەنٸن, تەك بىلتىر عانا 20 تەڭگەگە كٶتەرٸلگەنٸن اتاپ ٶتتٸ. بۇل رەتتە باسقارما بيىل قوعامدىق كٶلٸكتەردە جول جٷرۋ اقىسى ورتاشا ەسەپپەن 310 تەڭگە بولسا, كەيبٸر باعىتتار بويىنشا 400 تەڭگەگە جەتكەنٸن باسا ايتتى.
"وسىعان بايلانىستى تاسىمالداۋشىلارعا تٶلەنەتٸن سۋبسيدييا كٶلەمٸ جىل سايىن ارتىپ كەلەدٸ. 2023 جىلى 68,7 ميلليارد تەڭگە بٶلٸنسە, 2024 جىلى سۋبسيدييالاۋدىڭ بولجامدى كٶلەمٸ 97,3 ميلليارد تەڭگەگە دەيٸن ٶستٸ. وسىلايشا قولدانىستاعى تاريف بويىنشا سۋبسيدييالار كٶلەمٸ ٷنەمٸ ٶسٸپ وتىرادى", – دەپ حابارلادى ەكٸمدٸكتەگٸلەر.
ۆەدومستۆو جاڭا تاريفپەن 2024 جىلى بولجانعان سۋبسيدييا كٶلەمٸ 7 ميلليارد تەڭگەدەن استام قاراجاتقا قىسقاراتىنىن باسا ايتتى.
