video kadry
Almatyda viza ala almaǵan klient týrfirma qyzmetkeriniń basyna qaishy laqtyryp, jaralaǵan, - dep habarlaidy Tengrinews.kz saity.
Zardap shekken Mariia AQSh pen Germaniiaǵa viza alý úshin qujattardy daiyndaýǵa kómekteskenin aitty. Eki jaqtan da oń jaýap ala almaǵan qyz Úndistanǵa tegin viza alyp berýdi talap etedi.
"Oǵan Germaniia baǵytynda jumysty jalǵastyrýdy usyndyq, bul ońaiyraq bolar edi. Ol kelisti, sonymen qatar Úndistanǵa tegin viza alýǵa kómek surady. Viza maquldandy, biraq bul oǵan jetkiliksiz boldy. Ol konsýldyq alymdarǵa jumsalǵan jarty milliondy tóleýdi talap ete bastady, biraq meniń jumysym nebári 90 myń teńge turady. Juma kúni ol keńsege kelip, menedjerdi saýalnamany óshirýge májbúrlep, suramai faildan qujattaryn alyp ketken. Sosyn meni alaiaqtyq úshin sotqa berdi", - deidi jábirlenýshi.
Mariia qyzdyń maqsaty ony ashýlandyrý bolǵanyn aitady. Janjal kezinde klient oǵan keńse zattaryn laqtyra bastaǵan. Sol jerde qaishy da bolǵan, ol týragenttiń basyna qadalyp qalǵan.
"Men basymnan qaishyny ózim sýyryp aldym. Jedel járdem men politseiler kelgende, ol men ózimdi-ózim jaralaǵanymdy aitty. Kóp qan ketti, jaramdy tikti. Kúnde tańǵyshty aýystyrýǵa baramyn. Qyz oranǵan, soǵan qaramastan osyndai sumdyq isterge barady", - deidi jábirlenýshi.
Almaty Politsiia departamenti bul derekti Almaly aýdandyq ákimshiliginiń politsiia bólimi tirkep, tergeý júrgizip jatqanyn aitty. Áieldiń jaraqatynyń aýyrlyǵyn anyqtaý maqsatynda sot-meditsinalyq saraptama taǵaiyndalǵan. Is-sharalar kesheniniń qorytyndysy boiynsha sheshim qabyldanady.
