ۆيدەو كادرى
الماتىدا ۆيزا الا الماعان كليەنت تۋرفيرما قىزمەتكەرٸنٸڭ باسىنا قايشى لاقتىرىپ, جارالاعان, - دەپ حابارلايدى Tengrinews.kz سايتى.
زارداپ شەككەن مارييا اقش پەن گەرمانيياعا ۆيزا الۋ ٷشٸن قۇجاتتاردى دايىنداۋعا كٶمەكتەسكەنٸن ايتتى. ەكٸ جاقتان دا وڭ جاۋاپ الا الماعان قىز ٷندٸستانعا تەگٸن ۆيزا الىپ بەرۋدٸ تالاپ ەتەدٸ.
"وعان گەرمانييا باعىتىندا جۇمىستى جالعاستىرۋدى ۇسىندىق, بۇل وڭايىراق بولار ەدٸ. ول كەلٸستٸ, سونىمەن قاتار ٷندٸستانعا تەگٸن ۆيزا الۋعا كٶمەك سۇرادى. ۆيزا ماقۇلداندى, بٸراق بۇل وعان جەتكٸلٸكسٸز بولدى. ول كونسۋلدىق الىمدارعا جۇمسالعان جارتى ميلليوندى تٶلەۋدٸ تالاپ ەتە باستادى, بٸراق مەنٸڭ جۇمىسىم نەبەرٸ 90 مىڭ تەڭگە تۇرادى. جۇما كٷنٸ ول كەڭسەگە كەلٸپ, مەنەدجەردٸ ساۋالنامانى ٶشٸرۋگە مەجبٷرلەپ, سۇراماي فايلدان قۇجاتتارىن الىپ كەتكەن. سوسىن مەنٸ الاياقتىق ٷشٸن سوتقا بەردٸ", - دەيدٸ جەبٸرلەنۋشٸ.
مارييا قىزدىڭ ماقساتى ونى اشۋلاندىرۋ بولعانىن ايتادى. جانجال كەزٸندە كليەنت وعان كەڭسە زاتتارىن لاقتىرا باستاعان. سول جەردە قايشى دا بولعان, ول تۋراگەنتتٸڭ باسىنا قادالىپ قالعان.
"مەن باسىمنان قايشىنى ٶزٸم سۋىرىپ الدىم. جەدەل جەردەم مەن پوليتسەيلەر كەلگەندە, ول مەن ٶزٸمدٸ-ٶزٸم جارالاعانىمدى ايتتى. كٶپ قان كەتتٸ, جارامدى تٸكتٸ. كٷندە تاڭعىشتى اۋىستىرۋعا بارامىن. قىز ورانعان, سوعان قاراماستان وسىنداي سۇمدىق ٸستەرگە بارادى", - دەيدٸ جەبٸرلەنۋشٸ.
الماتى پوليتسييا دەپارتامەنتٸ بۇل دەرەكتٸ المالى اۋداندىق ەكٸمشٸلٸگٸنٸڭ پوليتسييا بٶلٸمٸ تٸركەپ, تەرگەۋ جٷرگٸزٸپ جاتقانىن ايتتى. ەيەلدٸڭ جاراقاتىنىڭ اۋىرلىعىن انىقتاۋ ماقساتىندا سوت-مەديتسينالىق ساراپتاما تاعايىندالعان. ٸس-شارالار كەشەنٸنٸڭ قورىتىندىسى بويىنشا شەشٸم قابىلدانادى.
