Foto: QR MAM
Abai atyndaǵy Qazaq ulttyq opera jáne balet teatry Qazaqstandaǵy klassikalyq ónerdiń negizin qalaǵan Evgenii Brýsilovskii, Qanabek Baiseiitov, Qurmanbek Jandarbekov syndy kórnekti tulǵalardyń 120 jyldyǵyna arnalǵan «Qyz Jibek» operasyn usyndy, dep habarlaidy Ult.kz.
Bul tulǵalardyń esimderi ulttyq mýzyka men teatr óneriniń tarihynda altyn áriptermen jazylǵan.
Kesh barysynda «Qyz Jibek» operasynyń alǵashqy jáne myńynshy qoiylymynan sirek kezdesetin tarihi kadrlar kórsetildi. Teatr zalynda sol ańyz adamdardyń daýysy estildi. Keiin olardyń isin jalǵap kele jatqan izbasarlary da sóz sóiledi.
Foto: QR MAM
Aita keteiik, «Qyz Jibek» qazaqtyń tuńǵysh operasy 1934 jyldyń 7 qarashasynda sahnalandy. Sol qoiylymda basty partiialardy Kúlásh Baiseiitova, Qurmanbek Jandarbekov jáne Qanabek Baiseiitov oryndady. Olar spektaklge qatysyp qana qoimai, E. Brýsilovskiige qazaq mýzykasyn meńgerýge kómektesip, operanyń negizi bolǵan mýzykalyq materialdy tańdaýǵa yqpal etti. Opera mýzykasy túgeldei folklorǵa negizdelgen. Onda elýden astam kúi men án qamtylyp, halyq mýzykasy men poeziiasynyń ozyq úlgileri jinaqtalǵan.
Qoiylym kópshiliktiń kóńilinen shyqty. Keshke mereitoi ieleriniń týystary da qatysty. Ulttyq opera óneriniń tarihi jáne zamanaýi murasy shyrqalyp, qoiylym barsha kórermenge erekshe áser qaldyrdy.
