فوتو: قر مام
اباي اتىنداعى قازاق ۇلتتىق وپەرا جەنە بالەت تەاترى قازاقستانداعى كلاسسيكالىق ٶنەردٸڭ نەگٸزٸن قالاعان ەۆگەنيي برۋسيلوۆسكيي, قانابەك بايسەيٸتوۆ, قۇرمانبەك جانداربەكوۆ سىندى كٶرنەكتٸ تۇلعالاردىڭ 120 جىلدىعىنا ارنالعان «قىز جٸبەك» وپەراسىن ۇسىندى, دەپ حابارلايدى Ult.kz.
بۇل تۇلعالاردىڭ ەسٸمدەرٸ ۇلتتىق مۋزىكا مەن تەاتر ٶنەرٸنٸڭ تاريحىندا التىن ەرٸپتەرمەن جازىلعان.
كەش بارىسىندا «قىز جٸبەك» وپەراسىنىڭ العاشقى جەنە مىڭىنشى قويىلىمىنان سيرەك كەزدەسەتٸن تاريحي كادرلار كٶرسەتٸلدٸ. تەاتر زالىندا سول اڭىز ادامداردىڭ داۋىسى ەستٸلدٸ. كەيٸن ولاردىڭ ٸسٸن جالعاپ كەلە جاتقان ٸزباسارلارى دا سٶز سٶيلەدٸ.
فوتو: قر مام
ايتا كەتەيٸك, «قىز جٸبەك» قازاقتىڭ تۇڭعىش وپەراسى 1934 جىلدىڭ 7 قاراشاسىندا ساحنالاندى. سول قويىلىمدا باستى پارتييالاردى كٷلەش بايسەيٸتوۆا, قۇرمانبەك جانداربەكوۆ جەنە قانابەك بايسەيٸتوۆ ورىندادى. ولار سپەكتاكلگە قاتىسىپ قانا قويماي, ە. برۋسيلوۆسكييگە قازاق مۋزىكاسىن مەڭگەرۋگە كٶمەكتەسٸپ, وپەرانىڭ نەگٸزٸ بولعان مۋزىكالىق ماتەريالدى تاڭداۋعا ىقپال ەتتٸ. وپەرا مۋزىكاسى تٷگەلدەي فولكلورعا نەگٸزدەلگەن. وندا ەلۋدەن استام كٷي مەن ەن قامتىلىپ, حالىق مۋزىكاسى مەن پوەزيياسىنىڭ وزىق ٷلگٸلەرٸ جيناقتالعان.
قويىلىم كٶپشٸلٸكتٸڭ كٶڭٸلٸنەن شىقتى. كەشكە مەرەيتوي يەلەرٸنٸڭ تۋىستارى دا قاتىستى. ۇلتتىق وپەرا ٶنەرٸنٸڭ تاريحي جەنە زاماناۋي مۇراسى شىرقالىپ, قويىلىم بارشا كٶرەرمەنگە ەرەكشە ەسەر قالدىردى.
