Respýblika saraiynyń sahnasynda elimizdiń jas talanttary álemdik miýziklderdiń úzdik hitterin oryndady, dep habarlaidy "Ult aqparat".
«Jańa esimderdiń on jyldyǵy» uranymen ótken festivaldi QR Tuńǵysh Prezidenti – Elbasy qory uiymdastyrdy. Aýqymdy jobany Almaty ákimdigi de qoldady.
Festival qatysýshylary men qonaqtaryn qala ákimi Baqytjan Saǵyntaevtyń atynan shahar basshysynyń orynbasary Erjan Babaqumarov quttyqtady.
«Jastar arasynda óner men mádenietti jan-jaqty damytýdy maqsat etken festival óziniń on jyldyǵyn atap ótýde. Atalǵan shara ár elden kelgen jastardyń basyn qosyp keledi. Jyl saiyn festivalge qatysýǵa niet bildirýshiler qatary artyp otyr. Bul – kópshilikke óz talantyn pash etip, shyǵarmashylyq kókjiegin keńeitýge jáne jańa tájiribe alýǵa tamasha múmkindik», - delingen quttyqtaý hatta.
Biyl óner men mádeniet salasyndaǵy jastardy jan-jaqty damytýǵa arnalǵan bastamaǵa 10 jyl toldy. Jyl saiyn festival aiasynda Qazaqstannyń shyǵarmashylyq oqý oryndarynyń stýdentteri men jas mamandaryna arnap ártúrli elderdiń tanymal mádeni qairatkerleriniń shyǵarmashylyq kezdesýleri, sheberlik sabaqtary, dáristeri, treningter men seminarlar ótedi.
Búginge deiin «JasSTAR»-ǵa stsenarist jáne kinorejisser Egor Konchalovskii, mýzykant jáne prodiýser Baiǵali Serkebaev, Parij operasy Ulttyq orkestriniń dirijeri Filipp Iýi, ataqty sýretshi-stilist M. Lamin, birinshi skripkashy, «Máskeý Virtýozy» orkestriniń solisi Aleksei Lýndin kelgen bolatyn. Bul mádeni-aǵartýshylyq jobanyń maqsaty – jastar arasynda mádeniettiń damýyna jáne talantty jas sýretshilerdiń shyǵarmashylyq áleýetiniń artýyna yqpal etý.
Biylǵy festival «Broadway musical shows» formatyndaǵy miýzikl-kontsert túrinde ótti. Ár jyldaǵy «JasSTAR» qatysýshylary, sonymen qatar, elimizdiń eń úzdik shyǵarmashyl jastary álemdik miýziklderdiń úzdik hitterin oryndady. Festival baǵdarlamasynda «Uly shoýmen», «Sulý men qubyjyq», «Romeo men Djýletta», «Chicago», «Dostar serti», «La-la lend», «Mamma mia» jáne basqa da mýzykalyq kompozitsiialar oryndaldy.
