© Photo: Pixabay
Ýmraǵa aparamyn dep 100-den astam adamdy san soqtyrǵan «Káýsar trevel» kompaniiasynyń basshysy ustaldy, - dep habarlaidy "Ult aqparat" "KTK"telearnasyna silteme jasap.
Medet Muratbaiuly qasietti mekenge barýǵa niet qylǵandardyń árqaisysynan kemi myń dollardan alǵan.
Alaida qańtar aiynda ketýge tiis azamattar Mekke men Medinany sol kúii kóre almaǵan. Týrfirma Almatydan jolǵa shyqqan 57 adamdy Medina qalasyndaǵy jataqhanaǵa tastap, iz sýytypty. Sondyqtan qajylar jatyn oryn men tamaqqa qosymsha qarjy shyǵyndap, qaitar joldyń biletin de óz aqshasyna satyp alǵan.
"Qazir «Káýsar trevelden» joldama alǵandar jappai politsiiaǵa aryzdanyp jatyr. Sondyqtan jábirlenýshiler sanyn naqty aita almaimyz" deidi politseiler.
Sairam aýdanynyń turǵyny Jarqyn Bekmyrzaevqa ýmranyń sertifikatyn kelinshegi tosynsyi retinde týǵan kúnine syilaǵan. Talai jylǵy armany bolǵan kieli saparǵa erli-zaiyptylar 17 qańtarda attanýy kerek edi. Alaida túrli syltaý aitqan «Káýsar trevel» týrfirmasy bas-aiaǵy 57 adamdy úsh kún keshiktirip, Medina qalasyna jetkizipti. Biraq týrfirma ókilderi qonaúige bara sala, oryn daiyndaimyz dep, sol kúii izim-ǵaiym joǵalǵan.
"Sol jerde kútip otyrǵanda qonaq úidiń egesi shyqty da, bul jerde sizderge oryn brondalmaǵan, bul jerde qazir bos oryn joq dep aitqannan keiin, qaitadan avtobýs shaqyryp, qalanyń shet jaǵyndaǵy jataqhanaǵa aparyp jaiǵastyrdy. Tańerteń jetide ekskýrsiia bolady, daiyndalyńyzdar dedi de, «Káýsar trevel» ókili ketip qaldy. Sodan biz azanda turdyq. Tursaq, «Káýsar trevel» ókilderi de joq, avtobýs ta joq, tamaǵy da daiyn emes, aqshasy da tólenbegen" - deidi Sairam aýdanynyń turǵyny Jarqyn Bekmyrzaev.
Beitanys qalada til bilmeitin 57 adamnyń jaǵdaiyn sol jaqta júrgen qazaqtar estip, ózge týrfirma ókilderi kómekke kelgen. Olar Medinadan eki-úsh kúnge qonaqúi jaldap, ary qarai Mekkege saparyn uiymdastyryp bergen. Tipti, qasietti Qaǵba mańynan bes kúnge jatyn oryn alyp bergen. Al elge oralatyn ýaqyt taiaǵanda týrfirma basshysy Medet Muratbaiuly qaitar bilet daiyndap jatyrmyn dep, taǵy da habar-osharsyz ketken.
"Bastan aiaq eseptesek, kelinshegim ekeýimizge millionnan asa shyǵyn ketti. Ol tipti demeýshilerdiń aqshasyn eseptemegende, óz basymyzdan millionnan asa shyǵynǵa kettik qoi. Demeýshilerdiń arqasynda kóp jeńildetildi. Qonaq úiler, tamaq. Demeýshiler bolmasa, qonaq úide bir kúnniń ózi 180 dollar eken" - deidi Jarqyn Bekmyrzaev.
Kishi qajylyǵyn áýpirimdep júrip ótegen azamat Mekkede «Káýsar trevel» aldap ketti degen 70 shaqty adamdy keziktirdim deidi. Bul azdai, Almaty men Shymkentten qasietti saparǵa attana almai otyrǵandar kóp. Olar tipti politsiiaǵa da aryz jazǵan. Osydan keiin tártip saqshylary «Káýsar treveldyń» basshysyna izdeý salyp, Medet Muratbaiuly Almatydaǵy jaldamaly páterlerdiń birinde ustaldy.
"Mekke men Medina qalalaryna joldama alyp, 50-ge jýyq adamdy aldaǵan týristik agenttiktiń basshysy ustaldy. Atalǵan jáit boiynsha QR QK 190-babymen qylmystyq is qozǵalyp, kúdikti qamaýǵa alyndy" - deidi Shymkent qalasy, Eńbekshi aýdany PB tergeý bóliminiń bastyǵy Erlan Irbaev.
Týrfirmaǵa aldanǵandardyń naqty sanyn politseilerdiń ózi aita almai otyr. Sebebi buǵan deiin usha almaǵandary bar, merziminen qalyp aqshasyn qaitara almai júrgenderden ózge, aldaǵy aqpan aiyna aqsha berip qoiǵan azamattar da bar. Sondyqtan qasietti saparǵa shyǵamyz dep san soqqandar sany kún sanap ósip jatyr.
video: "KTK"telearnasy
