© Photo: Pixabay
ۋمراعا اپارامىن دەپ 100-دەن استام ادامدى سان سوقتىرعان «كەۋسار ترەۆەل» كومپانيياسىنىڭ باسشىسى ۇستالدى, - دەپ حابارلايدى "ۇلت اقپارات" "كتك"تەلەارناسىنا سٸلتەمە جاساپ.
مەدەت مۇراتبايۇلى قاسيەتتٸ مەكەنگە بارۋعا نيەت قىلعانداردىڭ ەرقايسىسىنان كەمٸ مىڭ دوللاردان العان.
الايدا قاڭتار ايىندا كەتۋگە تيٸس ازاماتتار مەككە مەن مەدينانى سول كٷيٸ كٶرە الماعان. تۋرفيرما الماتىدان جولعا شىققان 57 ادامدى مەدينا قالاسىنداعى جاتاقحاناعا تاستاپ, ٸز سۋىتىپتى. سوندىقتان قاجىلار جاتىن ورىن مەن تاماققا قوسىمشا قارجى شىعىنداپ, قايتار جولدىڭ بيلەتٸن دە ٶز اقشاسىنا ساتىپ العان.
"قازٸر «كەۋسار ترەۆەلدەن» جولداما العاندار جاپپاي پوليتسيياعا ارىزدانىپ جاتىر. سوندىقتان جەبٸرلەنۋشٸلەر سانىن ناقتى ايتا المايمىز" دەيدٸ پوليتسەيلەر.
سايرام اۋدانىنىڭ تۇرعىنى جارقىن بەكمىرزاەۆقا ۋمرانىڭ سەرتيفيكاتىن كەلٸنشەگٸ توسىنسىي رەتٸندە تۋعان كٷنٸنە سىيلاعان. تالاي جىلعى ارمانى بولعان كيەلٸ ساپارعا ەرلٸ-زايىپتىلار 17 قاڭتاردا اتتانۋى كەرەك ەدٸ. الايدا تٷرلٸ سىلتاۋ ايتقان «كەۋسار ترەۆەل» تۋرفيرماسى باس-اياعى 57 ادامدى ٷش كٷن كەشٸكتٸرٸپ, مەدينا قالاسىنا جەتكٸزٸپتٸ. بٸراق تۋرفيرما ٶكٸلدەرٸ قوناٷيگە بارا سالا, ورىن دايىندايمىز دەپ, سول كٷيٸ ٸزٸم-عايىم جوعالعان.
"سول جەردە كٷتٸپ وتىرعاندا قوناق ٷيدٸڭ ەگەسٸ شىقتى دا, بۇل جەردە سٸزدەرگە ورىن بروندالماعان, بۇل جەردە قازٸر بوس ورىن جوق دەپ ايتقاننان كەيٸن, قايتادان اۆتوبۋس شاقىرىپ, قالانىڭ شەت جاعىنداعى جاتاقحاناعا اپارىپ جايعاستىردى. تاڭەرتەڭ جەتٸدە ەكسكۋرسييا بولادى, دايىندالىڭىزدار دەدٸ دە, «كەۋسار ترەۆەل» ٶكٸلٸ كەتٸپ قالدى. سودان بٸز ازاندا تۇردىق. تۇرساق, «كەۋسار ترەۆەل» ٶكٸلدەرٸ دە جوق, اۆتوبۋس تا جوق, تاماعى دا دايىن ەمەس, اقشاسى دا تٶلەنبەگەن" - دەيدٸ سايرام اۋدانىنىڭ تۇرعىنى جارقىن بەكمىرزاەۆ.
بەيتانىس قالادا تٸل بٸلمەيتٸن 57 ادامنىڭ جاعدايىن سول جاقتا جٷرگەن قازاقتار ەستٸپ, ٶزگە تۋرفيرما ٶكٸلدەرٸ كٶمەككە كەلگەن. ولار مەدينادان ەكٸ-ٷش كٷنگە قوناقٷي جالداپ, ارى قاراي مەككەگە ساپارىن ۇيىمداستىرىپ بەرگەن. تٸپتٸ, قاسيەتتٸ قاعبا ماڭىنان بەس كٷنگە جاتىن ورىن الىپ بەرگەن. ال ەلگە ورالاتىن ۋاقىت تاياعاندا تۋرفيرما باسشىسى مەدەت مۇراتبايۇلى قايتار بيلەت دايىنداپ جاتىرمىن دەپ, تاعى دا حابار-وشارسىز كەتكەن.
"باستان اياق ەسەپتەسەك, كەلٸنشەگٸم ەكەۋٸمٸزگە ميلليوننان اسا شىعىن كەتتٸ. ول تٸپتٸ دەمەۋشٸلەردٸڭ اقشاسىن ەسەپتەمەگەندە, ٶز باسىمىزدان ميلليوننان اسا شىعىنعا كەتتٸك قوي. دەمەۋشٸلەردٸڭ ارقاسىندا كٶپ جەڭٸلدەتٸلدٸ. قوناق ٷيلەر, تاماق. دەمەۋشٸلەر بولماسا, قوناق ٷيدە بٸر كٷننٸڭ ٶزٸ 180 دوللار ەكەن" - دەيدٸ جارقىن بەكمىرزاەۆ.
كٸشٸ قاجىلىعىن ەۋپٸرٸمدەپ جٷرٸپ ٶتەگەن ازامات مەككەدە «كەۋسار ترەۆەل» الداپ كەتتٸ دەگەن 70 شاقتى ادامدى كەزٸكتٸردٸم دەيدٸ. بۇل ازداي, الماتى مەن شىمكەنتتەن قاسيەتتٸ ساپارعا اتتانا الماي وتىرعاندار كٶپ. ولار تٸپتٸ پوليتسيياعا دا ارىز جازعان. وسىدان كەيٸن تەرتٸپ ساقشىلارى «كەۋسار ترەۆەلدىڭ» باسشىسىنا ٸزدەۋ سالىپ, مەدەت مۇراتبايۇلى الماتىداعى جالدامالى پەتەرلەردٸڭ بٸرٸندە ۇستالدى.
"مەككە مەن مەدينا قالالارىنا جولداما الىپ, 50-گە جۋىق ادامدى الداعان تۋريستٸك اگەنتتٸكتٸڭ باسشىسى ۇستالدى. اتالعان جەيت بويىنشا قر قك 190-بابىمەن قىلمىستىق ٸس قوزعالىپ, كٷدٸكتٸ قاماۋعا الىندى" - دەيدٸ شىمكەنت قالاسى, ەڭبەكشٸ اۋدانى پب تەرگەۋ بٶلٸمٸنٸڭ باستىعى ەرلان يرباەۆ.
تۋرفيرماعا الدانعانداردىڭ ناقتى سانىن پوليتسەيلەردٸڭ ٶزٸ ايتا الماي وتىر. سەبەبٸ بۇعان دەيٸن ۇشا الماعاندارى بار, مەرزٸمٸنەن قالىپ اقشاسىن قايتارا الماي جٷرگەندەردەن ٶزگە, الداعى اقپان ايىنا اقشا بەرٸپ قويعان ازاماتتار دا بار. سوندىقتان قاسيەتتٸ ساپارعا شىعامىز دەپ سان سوققاندار سانى كٷن ساناپ ٶسٸپ جاتىر.
ۆيدەو: "كتك"تەلەارناسى
