Foto: Álihan Sáriev, Tengrinews.kz
Qazaqstannyń túkpir-túkpirinen kelgen 23 boijetken elimizdiń birinshi arýy ataǵy úshin kúresti. "Qazaqstan arýy-2022" ataǵy 24 jastaǵy astanalyq Tomiris Kákimovaǵa buiyrdy, - dep habarlaidy Tengrinews.kz agenttigi.
Baiqaýdyń aqtyq synyna 12 qyz shyqty.
"Tomiris Kakimova, 24 jasta, Astana qalasy. Gýmilev atyndaǵy Eýraziia ulttyq ýniversitetiniń bakalavriatyn halyqaralyq quqyq mamandyǵy boiynsha bitirip, Abai Myrzahmetov atyndaǵy Kókshetaý ýniversitetinde zańtaný magistri dárejesin aldy. Akademiialyq bilim alýǵa qaramastan, arý shyǵarmashylyqqa ýaqyt tabýǵa tyrysqan.
Tomiris bala kezinen bige qumar jáne ulttyq bi boiynsha gran-pri júldegeri bola otyryp, túrli jarystqa qatysady. Ol sportpen jáne iogamen ainalysýǵa ýaqyt tabýǵa tyrysady, al bos ýaqytyn otbasymen jáne týystarymen ótkizedi", - delingen jeńimpaz týraly resmi paraqshada.
"Konkýrsqa qatysqandaǵy maqsatymnyń biri - shyǵarmashylyq jaǵynan ózimdi kórsetý jáne óz talantymdy ashý múmkindigi. Men sulýlyq pen sán salasynda odan ári damyǵym keledi, al bul baiqaý - men úshin mansabymnyń jańa deńgeiine shyǵýdyń tamasha múmkindigi. Jaqynda otbasyn quryp, óz biznesimdi ashqym keledi", — deidi Tomiris.
Tomiristen basqa taǵy tórt arý túrli nominatsiiada jeńiske jetti.
People choice - Altyniia Ǵazizova (Semei).
Vice-Miss Kazakhstan - Tomiris Zair (Almaty).
Miss Earth Kazakhstan - Dilnaz Tilaeva (Almaty).
Miss Universe Kazakhstan - Diana Táshimbetova (Almaty).
